ଶ୍ରୀଲିଙ୍ଗରାଜଙ୍କ ବିବାହ ସମ୍ପନ୍ନ: ସାମିଲ ହେଲେ ୨୦୦ରୁ ଊର୍ଦ୍ଧ୍ୱ ବରଯାତ୍ରୀ

ପୁରୁଣା ଭୁବନେଶ୍ୱର, ୮ା୬ (ଡି.ଏନ.ଏ.): ମହାପ୍ରଭୁ ଶ୍ରୀଲିଙ୍ଗରାଜ ସହ ମା’ ପାର୍ବତୀଙ୍କ ପାରମ୍ପରିକ ରୀତିରେ ବିବାହ କାର୍ଯ୍ୟ ଶୁକ୍ରବାର ବିଳମ୍ବିତ ରାତିରେ ସମ୍ପନ୍ନ ହୋଇଛି। ଶ୍ରୀଲିଙ୍ଗରାଜଙ୍କ ଶ୍ୱଶୁରାଳୟ ଶ୍ରୀକେଦାରଗୌରୀ ମନ୍ଦିରରେ ପହଞ୍ଚତ୍ବା ପରେ ମନ୍ଦିର ପୁରୋହିତ ମନୋରଞ୍ଜନ ଦାଶ ବିଧି ମୁତାବକ ବିବାହ କାର୍ଯ୍ୟ ଆରମ୍ଭ କରିଥିଲେ। ଏଥିସହ ଦେବଦମ୍ପତି କେଦାରଗୌରୀ ମନ୍ଦିରରେ ଗୋଟିଏ ଦିନ ପାଇଁ ଅବସ୍ଥାନ କରିଛନ୍ତି। ଶନିବାର ଠାକୁରଙ୍କ ଫେରନ୍ତା ଶୋଭାଯାତ୍ରା ଅନୁଷ୍ଠିତ ହେବ।
ଶୁକ୍ରବାର ସକାଳ ସାଢେ ୬ଟାରେ ମନ୍ଦିରରେ ମଙ୍ଗଳଆଳତି ଓ ଅବକାଶ ନୀତି ଅନୁଷ୍ଠିତ ହୋଇଥିଲା। ସାଢେ ୬ଟାରୁ ସାଢେ ୯ଟା ମଧ୍ୟରେ ସାହାଣମେଲା ଦର୍ଶନ। ସକାଳ ୭ଟାରେ କୋଠରୋଷ, ଧୂପକାଳ, ହୋମ ଓ ପାକକାର୍ଯ୍ୟ ଆରମ୍ଭ କରାଯାଇଥିଲା। ଦିନ ୧୦ଟାରେ ମହାସ୍ନାନ ହୋଇଥିଲା। ପରେ ଅନ୍ୟ ନୀତି ସମାପନ ହୋଇ ଅପରାହ୍ନ ୫ଟାରୁ ୬ଟା ମଧ୍ୟରେ ପହଡ଼ ପଡ଼ିଥିଲା। ଶ୍ରୀକପିଳନାଥ ଦେବ ରାତ୍ରି ୮ଟାରେ ବିଜେ କରିବାର ଥିଲେ ହେଁ ୨୦୧୫ ଠାରୁ ଶ୍ରୀଜୀଉଙ୍କ ହାଣ୍ଡିଭଙ୍ଗା ଯାତ୍ରାଠାରୁ ଦେଖାଯାଇଥିବା ବିଭ୍ରାଟ ପାଇଁ ଚଳିତବର୍ଷ ମଧ୍ୟ ବିଜେ କରି ପାରି ନ ଥିଲେ। ସନ୍ଧ୍ୟା ଧୂପରେ ଠାକୁର ବିଜେ ହେବା ସହ ବିମାନ ପାଲିଙ୍କିରେ ବିଜେ ହୋଇଥିଲେ। ରାତ୍ରି ପ୍ରାୟ ସାଢେ ୯ଟାରୁ ସାଢେ ୧୦ ମଧ୍ୟରେ ୨୦୦ରୁ ଊର୍ଦ୍ଧ୍ୱ ବରଯାତ୍ରୀମାନେ ଭୋଜିରେ ଆପ୍ୟାୟିତ ହୋଇଥିଲେ। ବଡ଼ସିଂହାର ବେଶ ପରେ ରାତି ୧୧ଟା ୪୬ ମିନିଟ୍‌ରେ ବରାନୁଗମନ ଆରମ୍ଭ ହୋଇଥିଲା। ଘଣ୍ଟ, ଘଣ୍ଟା, ବାଜା, ବାଣ, ବିଭିନ୍ନ ଲୋକନାଚ, ଡିଜେରେ ଶୋଭାଯାତ୍ରା କେଦାରଗୌରୀ ଅଭିମୁଖେ ଯାତ୍ରା କରିଥିଲା। ମନ୍ଦିର ମୁଖଶାଳାରୁ ଶୋଭାଯାତ୍ରାଟି ବାହାରିବା ପରେ ରଥଖଳା, ବଢେଇବାଙ୍କ, ତିନିମୁଣ୍ଡିଆ ଛକଠାରେ ପହଞ୍ଚତ୍ଥିଲା। ବିଳମ୍ବିତ ରାତିରେ ଶୋଭାଯାତ୍ରାରେ ଦେବଦମ୍ପତି କେଦାରଗୌରୀ ମନ୍ଦିରରେ ପହଞ୍ଚତ୍ଥିଲେ। କେଦାରଗୌରୀ ମନ୍ଦିର ପକ୍ଷରୁ ସେବାୟତମାନେ ଠାକୁରଙ୍କୁ ପାଛୋଟି ନେଇଥିଲେ। ମା’ ପାର୍ବତୀ, ନିଜର ମାତା ମା’ ଗୌରୀଙ୍କ ନିକଟରେ ରହିଥିବାବେଳେ ପ୍ରଭୁ ଶ୍ରୀଲିଙ୍ଗରାଜ ବିବାହ ମଣ୍ଡପରେ ବସି ରହିଥିଲେ। ପରେ ଠାକୁର ଏବଂ ଠାକୁରାଣୀକୁ ବିବାହ ମଣ୍ଡପରେ ଅବସ୍ଥାନ କରାଯାଇଥିଲା। ମା’ ପାର୍ବତୀଙ୍କ ପକ୍ଷରୁ ମହାସୁଆର ସେବକମାନେ ଏବଂ ଶ୍ରୀଲିଙ୍ଗରାଜଙ୍କ ପକ୍ଷରୁ ପୂଜାପଣ୍ଡା ସେବାୟତମାନେ ବିବାହ କାର୍ଯ୍ୟରେ ସହଯୋଗ କରିଥିଲେ। ପାରମ୍ପରିକ ରୀତିରେ ଉଭୟ ଠାକୁର ଠାକୁରାଣୀଙ୍କ ହାତଗଣ୍ଠି ପଡ଼ି ବିବାହର ଶେଷ ହୋଇଥିଲା। ଏହାପରେ ୭ ଥର କଉଡି ଖେଳାଇବା ସହ ଶ୍ରୀଜୀଉଙ୍କ ନିକଟରେ ମାଣ୍ଡୁଅ ପିଠା ପୂଜା ହୋଇଥିଲା। ସୂଚନା ଥାଉକି ଠାକୁରଙ୍କ ଏହି ଶୀତଳଷଷ୍ଠୀ ଯାତ୍ରାରେ ପ୍ରଭୁ ଶ୍ରୀକପିଳେଶ୍ୱର ଦେବ ଅନୁପସ୍ଥିତ ନେଇ ବିଭିନ୍ନ ସେବାୟତଙ୍କ ପକ୍ଷରୁ ଅସନ୍ତୋଷ ବ୍ୟକ୍ତ କରାଯାଇଥିଲା। ତେବେ ଏହି ଘଟଣା କୋର୍ଟରେ ବିଚାରାଧୀନ ଥିବାରୁ କୌଣସି ଭାବେ ବିଚଳିତ ହେବା ଦରକାର ନାହିଁ। ସମୟ ଆସିଲେ ଉଭୟ ଠାକୁରଙ୍କ ମଧ୍ୟରେ ପୁଣି ସମନ୍ବୟର ରାସ୍ତା ନିର୍ମାଣ ସହ ପରମ୍ପରା ଯୋଡି ହେବ ବୋଲି ମନ୍ଦିର ପ୍ରଶାସନ ପକ୍ଷରୁ ଆଶ୍ୱାସନା ମିଳିବା ପରେ ଶ୍ରୀଲିଙ୍ଗରାଜ ମହାପ୍ରଭୁଙ୍କ ଶୀତଳଷଷ୍ଠୀ ଯାତ୍ରା ସରସ, ସୁନ୍ଦର ଏବଂ ସୁରୁଖୁରୁରେ ଅନୁଷ୍ଠିତ ହୋଇଥିଲା।


Enter your email to get our daily news in your inbox.

All Right Reserved By Dharitri.Com

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ବସ୍‌ ଧକ୍କାରେ ଚାଲିଗଲା ଜୈନ ସନ୍ନ୍ୟାସିନୀଙ୍କ ଜୀବନ

ଫୁଲନଖରା,୨୮ା୩(ସତ୍ୟରଞ୍ଜନ ଦାସମହାପାତ୍ର): ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ଏକ ଯାତ୍ରୀବାହୀ ବସ୍‌ ଧକ୍କାରେ ଜଣେ ଜୈନ ସନ୍ନ୍ୟାସିନୀଙ୍କ ମୃତ୍ୟୁ ଘଟିଛି। ସେ...

ରାଜ୍ୟରେ ବଢିବ ତାପମାତ୍ରା, ୨ଦିନରେ ୪୦ ଛୁଇଁବ

ଭୁବନେଶ୍ୱର,୨୮।୩(ଅସମାପିକା ସାହୁ): ମାର୍ଚ୍ଚ ମାସ ଶେଷ ନ ହେଉଣୁ ରାଜ୍ୟରେ ପାରଦ ଉପରମୁହାଁ ହୋଇଛି। ଗୁରୁବାର ରାଜ୍ୟର ୧୬ଟି ସହରରେ ତାପମାତ୍ରା ୩୮ଡିଗ୍ରୀ ଅତିକ୍ରମ କରିଥିବାବେଳେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

ରାଜ୍ୟର ୬ଟି ଲୋକ ସଭା ଆସନରେ କାହାକୁ ଟିକେଟ ଦେବ ବିଜେଡି, ଚର୍ଚ୍ଚାରେ ଏହି ନାଁ

ଭୁବନେଶ୍ୱର,୨୮।୩: ୨୦୨୪ ସାଧାରଣ ନିର୍ବାଚନ ପାଇଁ ଓଡ଼ିଶାର ୨୧ଟି ଲୋକ ସଭା ନିର୍ବାଚନ ମଣ୍ଡଳୀ ଭିତରୁ ୧୮ଟି ସ୍ଥାନରେ ନିଜର ପ୍ରାର୍ଥୀ ଘୋଷଣା କରିଥିବା ବେଳେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri