ବଣାଇଁ,୬।୬(ପ୍ରଦୀପ ତ୍ରିପାଠୀ):ସୁନ୍ଦରଗଡ ଜିଲା ବଣାଇଁ ଉପଖଣ୍ଡ ତଥା ରାଉରକେଲା ବନଖଣ୍ଡର ବାଙ୍କି ବନାଞ୍ଚଳରେ ଏକ ଛଅ ଟିକିଆ ହାତୀପଲ ଘୁରି ବୁଲୁଥିବାବେଳେ ବନ ବିଭାଗ ତାଙ୍କୁ ଘଡାଇଥିଲେ କିନ୍ତୁ ଗୋଟିଏ ଦନ୍ତା ଫେରି ତାଣ୍ଡବ ରଚିଥିବା ଜଣାପଡିଛି l ଆଜି ସକାଳେ ସାଲେଇଡିହି ଗ୍ରାମରେ ଜମୁନା ମାହାନ୍ତ (୬୦) ବର୍ଷୀୟା ବୃଦ୍ଧା ଶୌଚ ପାଇଁ ଯାଇଥିବାବେଳେ ହଠାତ ହାତୀ ସାମ୍ନାରେ ପଡିଯାଇଥିଲେ। ବୃଦ୍ଧାକୁ ଗୋଡା଼ଇ ଗୋଡା଼ଇ କଚାଡି ପରେ ଦଳିଦେଇଥିଲା ସତେ ଯେମିତି ପୂର୍ବରୁ ଶତ୍ରୁତା ଥିଲା। ଏ ଘଟଣା ସମ୍ପର୍କରେ ଖବର ପାଇ ଘଟଣାସ୍ଥଳରେ ବନବିଭାଗ ପହଞ୍ଚିଛି। ହାତୀକୁ ପୁଣି କେମିତି ଘଉଡ଼ାଇ ହେବ ସେଥିପାଇଁ ଏକ ଟିମ ଗଠନ କରାଯାଇଛି l ଶବ ଉଦ୍ଧାର ପରେ ବ୍ୟବଚ୍ଛେଦ ନିମନ୍ତେ ପଠାଇବାକୁ ପ୍ରଚେଷ୍ଟା ଚାଲିଛି l ମୃତା ବୃଦ୍ଧାଙ୍କ ପରିବାରକୁ ବନବିଭାଗ ପକ୍ଷରୁ କ୍ଷତିପୂରଣ ଓ ତୁରନ୍ତ ହାତୀ ଘଉଡାଇବା ପାଇଁ ଦାବି ହୋଇଛି l
Dharitri – Odisha’s No.1 Odia Daily
