ବିଜେପୁର, ୫।୧୧(ଡି.ଏନ୍.ଏ.): ବରଗଡ଼ ଜିଲା ବିଜେପୁର ଥାନା ଅଞ୍ଚଳର ୪ବର୍ଷର ଶିଶୁକନ୍ୟାଙ୍କୁ ଉକ୍ତ ଅଞ୍ଚଳର ଜନୈକ ୧୭ବର୍ଷର ନାବାଳକ ସୋମବାର ବଳାତ୍କାର କରିଥିବା ଅଭିଯୋଗ ହୋଇଥିଲା। ମଙ୍ଗଳବାର ପୋଲିସ ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଉଭୟଙ୍କ ଡାକ୍ତରୀମାଇନା କରାଇଛି। ପୀଡିତାଙ୍କ ପିତାଙ୍କ ଏତଲାକୁ ଭିତ୍ତିକରି ପୋଲିସ ୧୮୯/୧୯ରେ ମାମଲା ରୁଜୁକରି ଅଭିଯୁକ୍ତ ନାବାଳକଙ୍କୁ ସୋହେଲା କୋର୍ଟକୁ ଚାଲାଣ କରିଛି। କୋର୍ଟରେ ଜାମିନ ଆବେଦନ ଖାରଜ ହେବାରୁ ଅଭିଯୁକ୍ତଙ୍କୁ ରାଉରକେଲା ଜୁଭେନାଇଲ କାରାଗାରକୁ ପଠାଯାଇଛି। ସୂଚନାଯୋଗ୍ୟ, ସୋମବାର ଅପରାହ୍ନରେ ଶିଶୁକନ୍ୟା ଘରେ ଏକୁଟିଆଥିବା ଦେଖି ପଡିଶାଘରର ନାବାଳକ ତାଙ୍କୁ ବଳତ୍କାର କରିଥିଲେ। ପୀଡିତାଙ୍କ ମା’ ଏ ବିଷୟରେ ଜାଣିବା ପରେ ପଡୋଶୀଙ୍କୁ କହିଥିଲେ। ଏହି ଘଟଣାକୁ ଗାଁଲୋକେ ନିନ୍ଦାକରିବା ସହ ସନ୍ଧ୍ୟାରେ ଏକ ସଭା କରିଥିଲେ। ମାତ୍ର କୌଣସି ସମାଧାନ ହୋଇପାରି ନ ଥିଲା। ତେଣୁ ରାତିରେ ପୀଡିତାଙ୍କ ପିତା ଥାନାରେ ଲିଖିତ ଅଭିଯୋଗ କରିଥିଲେ।
