ଖୋର୍ଦ୍ଧା ଅଫିସ,୨୯।୩: କରୋନା ସଂକ୍ରମଣ ମୁକାବିଲା ଲାଗି ଜିଲା ପ୍ରଶାସନ ପକ୍ଷରୁ ବାରମ୍ବାର ଅନୁରୋଧ ସତ୍ତ୍ୱେ ଲୋକଙ୍କ ମଧ୍ୟରେ କୌଣସି ଫରକ ପଡୁନାହିଁ। ଶନିବାର ଏସ୍ପି ଅଜୟ ପ୍ରତାପ ସ୍ବାଇଁ ନୂଆ ବସଷ୍ଟାଣ୍ଡରେ ବିନା କାରଣରେ ବାଇକରେ ବୁଲୁଥିବା ବ୍ୟକ୍ତିମାନଙ୍କୁ ହାତ ଯୋଡ଼ିି ଘରେ ରହିବାକୁ ଅନୁରୋଧ କରିଥିଲେ। ରାଜ୍ୟରେ ଚିହ୍ନଟ କରୋନା ରୋଗୀଙ୍କ ସମ୍ପର୍କରେ ସୂଚନା ଦେଇ ଏସ୍ପି ସ୍ବାଇଁ କହିଲେ, ଜଣେ ବ୍ୟକ୍ତିଙ୍କ ଲାଗି ଅନେକ ଜନସାଧାରଣ ଅସୁବିଧାରେ ପଡ଼ିିବେ। ଲକଡାଉନ ସମୟରେ ଆବଶ୍ୟକତା ନ ଥିଲେ ଘରେ ରହିବାକୁ ଏସ୍ପିଙ୍କ ସମେତ ଏକାଧିକ ପୋଲିସ ଅଧିକାରୀ ବାଇକ ଚାଳକମାନଙ୍କୁ ହାତ ଯୋଡି ନିବେଦନ କରିଥିଲେ। ବାଇକ ଚଳାଇବା ବେଳେ ହେଲମେଟ ପରିଧାନ କରନ୍ତୁ ଏବଂ ମାସ୍କ ବ୍ୟବହାର ଲାଗି ସେମାନେ ପରାମର୍ଶ ଦେଇଥିଲେ।
