ଚେହେରାର ସୌନ୍ଦର୍ଯ୍ୟ ପାଇଁ ଓଠର ଗୁରୁତ୍ୱପୂର୍ଣ୍ଣ ଭୂମିକା ଥାଏ। ଓଠର ଆକର୍ଷଣ ପାଇଁ ଲିପ୍ଷ୍ଟିକ୍ର ବହୁତ ବଡ଼ ଯୋଗଦାନ ଥାଏ। ସ୍କିନ୍ର ରଙ୍ଗ ଅନୁସାରେ ଓ ଠିକ୍ ଭାବରେ ଲଗାଯାଇଥିବା ଲିପ୍ଷ୍ଟିକ୍ ଚେହେରାରେ ସୁନ୍ଦରତା ସହିତ ମହିଳାଙ୍କ ବ୍ୟକ୍ତିତ୍ୱକୁ ଦ୍ୱିଗୁଣିତ କରେ। କିନ୍ତୁ ଲିପ୍ଷ୍ଟିକ୍ ଲଗାଇବା ଦ୍ୱାରା କିଛି ସମସ୍ୟାକୁ ମଧ୍ୟ ସାମ୍ନା କରିବାକୁ ପଡ଼ିଥାଏ। ଗବେଷଣାରୁ ଜଣାଯାଇଛି ଯେ, ଯେଉଁ ମହିଳାମାନେ ଲିପ୍ଷ୍ଟିକ୍ ଅଧିକ ବ୍ୟବହାର କରନ୍ତି ସେମାନଙ୍କୁ ସ୍କିନ୍ ରୋଗ ଅଧିକ ହେବାର ସମ୍ଭାବନା ଥାଏ। ସେମାନଙ୍କର ଖାଦ୍ୟ ମାଧ୍ୟମରେ ସ୍କିନ୍ ଲିପ୍ଷ୍ଟିକ୍ର କିଛି ଅଂଶ ଶରୀର ଭିତରକୁ ଚାଲିଯାଏ ଓ ଶରୀରର କ୍ଷତି କରିଥାଏ। ଲିପ୍ଷ୍ଟିକ୍ରେ ତମ୍ବାର ବ୍ୟବହାର ଅଧିକ ହୋଇଥାଏ। ତେଣୁ ଖାଦ୍ୟ ଦ୍ୱାରା ଏହି ରସାୟନ ପଦାର୍ଥ ଶରୀର ଭିତରକୁ ଚାଲିଯାଏ ଓ ଭିତର ଅଙ୍ଗମାନଙ୍କୁ ପ୍ରଭାବିତ କରିଥାଏ। ଏଥିରେ ମିଳିଥିବା କେଡ଼ିଏମ୍ କିଡ଼୍ନୀକୁ ଖରାପ କରିବାରେ ସମ୍ଭାବନା ଅଧିକ ଥାଏ ଓ ପେଟ ସମ୍ବନ୍ଧୀୟ ସମସ୍ୟା ଉପତ୍ନ୍ନ ହୁଏ। ଏକ ଆମେରିକା ପତ୍ରିକା ଦ୍ୱାରା କରାଯାଇଥିବା ଅଧ୍ୟୟନରୁ ଜଣାପଡ଼ିଛି ଯେ, ଲିପ୍ଷ୍ଟିକ୍ରେ ୫୫ ପ୍ରତିଶତ ବିଷାକ୍ତ ତତ୍ତ୍ୱ ରହିଛି। ଏହି ପରୀକ୍ଷାରେ ୨୨ଟି ବ୍ରାଣ୍ଡର ଲିପ୍ଷ୍ଟିକ୍କୁ ଅଧ୍ୟୟନରେ ସାମିଲ କରାଯାଇଥିଲା।
