ଲକ୍ଡାଉନ୍ ବଢ଼ିଲେ କ’ଣ ହେବ ପରିସ୍ଥିତି, ମଜାଳିଆ ଭିଡିଓ ଶେୟାର କଲେ ଭାରତୀ
05 ମୁମ୍ବାଇ: ଲକ୍ଡାଉନ୍ ସମୟରେ ହାସ୍ୟ ଅଭିନେତ୍ରୀ ଭାରତୀ ସିଂ ସୋସିଆଲ ମିଡିଆରେ ଭିଡିଓ ଶେୟାର କରି ଲଗାତର ପ୍ରଶଂସକଙ୍କ ମନୋରଞ୍ଜନ କରୁଛନ୍ତି। ଭାରତୀ ଏବେ ଆଉ ଏକ ଭିଡିଓ ଶେୟାର କରିଛନ୍ତି । ଏଥିରେ ସେ ଲକ୍ଡାଉନ୍ ବଢ଼ିଲେ କ’ଣ ହେବ ବୋଲି ସେ ସମ୍ପର୍କରେ କହିଛନ୍ତି।
ଭିଡିଓ ଆରମ୍ଭରେ, ଭାରତୀ ନାକରେ ହାତ ଦେଇ ଛାଡ଼ିବା ପରେ ଏହା ଧୀରେ ଧୀରରେ ଏକ ପଶୁରେ ପରିଣତ ହୋଇଯାଉଛି। ଭିଡିଓଟି ବହୁତ ମଜାଳିଆ ହୋଇଛି। ଭାରତୀ ତାଙ୍କ ଇନ୍ଷ୍ଟାଗ୍ରାମ୍ରେ ଏହିପରି ଅନେକ ଭିଡିଓ ଶେୟାର କରି ଲୋକଙ୍କୁ ମନୋରଞ୍ଜନ କରନ୍ତି। ତାଙ୍କ ଇନ୍ଷ୍ଟାଗ୍ରାମ୍ ପ୍ରୋଫାଇଲ ଦେଖିଲେ ଯେ କେହି ହସି ହସି ଗଡ଼ିଯିବ।
ସେ ଏହି ଭିଡିଓ ଶେୟାର କରି କ୍ୟାପ୍ଶନ ଲେଖିଛନ୍ତି, ଯଦି ଲକ୍ଡାଉନ୍ ଆଗକୁ ବଢ଼ିବ ତେବେ ଏମିତି ଘଟିବ। ଭିଡିଓରେ ଭାରତୀଙ୍କ ଦ୍ୱାରା ଦେଖାଯାଇଥିବା ପରିସ୍ଥିତିକୁ ନେଇ ଅନେକ ୟୁଜର ଏକମତ ଅଛନ୍ତି। ବଲରାଜ ସାୟଲ ଲେଖିଛନ୍ତି, ତେବେ ପୁଣି ଏପରି ହେବ। ଅଭିନେତା କୁଶଲ ଟଣ୍ଡନ ଭାରତୀଙ୍କ ଭିଡିଓ ଦେଖି ହାସ୍ୟ ଇମୋଜି ଦେଇଛନ୍ତି। ଅନ୍ୟମାନଙ୍କ ମଧ୍ୟରେ କିଶୋର ଦତ୍ତା, ନେହା ପେଣ୍ଡସେ, ବନ୍ଦ୍ଗୀ କଲ୍ରାଙ୍କ ପରି ଅନେକ ୟୁଜର ଭାରତୀଙ୍କ ଫଟୋରେ କମେଣ୍ଟ ଦେଇଛନ୍ତି।