ଠାକୁରମୁଣ୍ଡା,୨୦ା୪(ଡି.ଏନ୍.ଏ.)- ମୟୂରଭଞ୍ଜ ଜିଲା କରଞ୍ଜିଆ ଥାନା ଅଧୀନ ୧ନଂ.ୱାର୍ଡ଼ ଗୋଲେଇ ଛକ ନିକଟରେ ଥିବା ଏକ ମାର୍କେଟ କମ୍ପ୍ଲେକ୍ସରେ ସ୍ଥାନୀୟ ପୋଲିସ ଓ ପ୍ରଶାସନିକ ଅଧିକାରୀ ଶନିବାର ରାତିରେ ଚଢ଼ାଉ କରି ୧୫ଲକ୍ଷ ଟଙ୍କାରୁ ଊଦ୍ଧର୍ବ ଟଙ୍କାର ଚୋରା ବିଦେଶୀ ମଦ ଜବତ କରିଛି। ଏହି ଘଟଣାରେ ସ୍ବୀକୃତି ପ୍ରାପ୍ତ ବିଦେଶୀ ମଦ ଦୋକାନର ମାଲିକ ସତ୍ୟଜିତ ସାହୁଙ୍କୁ ପୋଲିସ ଅଟକ ରଖିଛି। କରୋନା ପାଇଁ ସାରା ରାଜ୍ୟରେ ଲକ୍ ଡାଉନ ଚାଲିଥିବା ବେଳେ ସମସ୍ତ ମଦ ଦୋକାନକୁ ପ୍ରଶାସନ ସିଲ୍ କରିଛି। ତେବେ ସତ୍ୟଜିତ ଉକ୍ତ ମାର୍କେଟ କମ୍ପ୍ଲେକ୍ସରେ ୪୦୦ରୁ୫୦୦ପେଟି ବିଦେଶୀ ମଦ ଗଚ୍ଛିତ ରଖି ଲକ୍ ଡାଉନ ସମୟରେ ଗ୍ରାମାଞ୍ଚଳର ଚୋରା ବେପାରୀମାନଙ୍କୁ ଚଢା ଦରରେ ଯୋଗାଉଥିବା ଅଭିଯୋଗ ହୋଇଥିଲା। ଏନେଇ କରଞ୍ଜିଆ ଉପ ଜିଲାପାଳ ଦୁଃଖବନ୍ଧୁ ନାୟକ, ଉପଖଣ୍ଡ ପୋଲିସ ଅଧିକାରୀ ନାରାୟଣ ନାୟକ, କରଞ୍ଜିଆ ତହସିଲଦାର ତାପସ ରଞ୍ଜନ ଦେହୁରୀ, କରଞ୍ଜିଆ ଅବକାରୀ ଇନ୍ସପେକ୍ଟର କ୍ଷିତୀଶ ଦାସ, କରଞ୍ଜିଆ ଥାନା ଅଧିକାରିଣୀ ସରୋଜିନୀ ସିଂଙ୍କ ସମେତ ଅନ୍ୟାନ୍ୟ କର୍ମଚାରୀ କରଞ୍ଜିଆ ଗୋଲେଇ ଛକ ନିକଟରେ ଥିବା ମାର୍କେଟ କମ୍ପ୍ଲେକ୍ସ ଉପର ଚଢାଉ କରିଥିଲେ।
