ଲିଡ୍ସ,୭।୭- ଭାରତୀୟ ଦଳ ତା’ର ଅନ୍ତିମ ଲିଗ୍ ପର୍ଯ୍ୟାୟ ମ୍ୟାଚ୍ରେ ଶ୍ରୀଲଙ୍କାକୁ ୭ ଉଇକେଟରେ ହରାଇ ପଏଣ୍ଟ ତାଲିକାରେ ଶୀର୍ଷ ସ୍ଥାନ ଅଧିକାର କରିଛି। ଏହି ବିଜୟରେ ମୁଖ୍ୟ ଭୂମିକା ଗ୍ରହଣ କରିଥିଲା ରୋହିତ ଶର୍ମା ଓ ଲୋକେଶ ରାହୁଲଙ୍କ ଓପନିଂ ଯୋଡ଼ି। ରୋହିତ (୧୦୩) କ୍ୟାଚ୍ ଆଉଟ୍ ହେବା ପୂର୍ବରୁ ଦୁଇ ଓପନର ପ୍ରଥମ ଉଇକେଟ ଲାଗି ୩୦ ଓଭରରେ ୧୮୯ ରନ୍ କରିଥିଲେ। ବିଶ୍ୱକପ୍ ଇତିହାସରେ ଏହା ଭାରତୀୟ ଦଳର ସର୍ବାଧିକ ଓପନଂ ଭାଗୀଦାରି। ଦୁଇ ଓପନର ନିଜର ପୂର୍ବ ରେକର୍ଡ ଭାଙ୍ଗିଛନ୍ତି। ରୋହିତ ଓ ରାହୁଲ ଚଳିତ ବିଶ୍ୱକପ୍ରେ ବାଂଲାଦେଶ ବିପକ୍ଷରେ ୧୮୦ ରନ୍ କରିଥିଲେ। ଏହା ପୂର୍ବରୁ ୨୦୧୫ ସଂସ୍କରଣରେ ରୋହିତ ଓ ଶିଖର ଧାଓ୍ବନଙ୍କ ଓପନିଂ ଯୋଡ଼ି ଆୟର୍ଲାଣ୍ଡ ବିପକ୍ଷରେ ୧୭୪ ରନ୍ କରିଥିଲେ।
