ଛେଣ୍ଡିପଦା,୧୫।୧(ସ୍ବ.ପ୍ର.)- ଜଙ୍ଗଲ ଗ୍ରାମରୁ ରାଜସ୍ବ ଗ୍ରାମର ମାନ୍ୟତା ପାଇଥିବା ଅନୁଗୋଳ ଜିଲା ଛେଣ୍ଡିପଦା ବ୍ଲକ କତଡା ପଞ୍ଚାୟତର ୮ନଂ ୱାର୍ଡ ବଡମୂଳ ଗ୍ରାମକୁ ମଙ୍ଗଳବାର ମୁଖ୍ୟମନ୍ତ୍ରୀଙ୍କ ଆୱାର୍ଡ ଅଫ ଏକ୍ସଲାନ୍ସର ରାଜ୍ୟ ଅଧ୍ୟକ୍ଷ ରବିନାରାୟଣ ବହିଦାର, ପୂର୍ବତନ ଜିଲାପାଳ ତଥା କେନ୍ଦ୍ରାଞ୍ଚଳ ଆରଡିସି ଅନିଲ କୁମାର ସାମଲ ପ୍ରମୁଖ ଗସ୍ତ କରିଥିଲେ। ଗ୍ରାମବାସୀ ଏକ ପଟୁଆର କମିଟି ସଦସ୍ୟଙ୍କୁ ଗ୍ରାମକୁ ପାଛଟି ନେଇଥିଲେ। ରାଜସ୍ବ ଗ୍ରାମ ମାନ୍ୟତା ପରେ ଗ୍ରାମବାସୀ କେତେ ଖୁସି ଅଛନ୍ତି ସେ ସମ୍ପର୍କରେ କମିଟି ସଦସ୍ୟମାନେ ପଚାରି ବୁଝିଥିଲେ। ପରେ ଅନୁଷ୍ଠିତ ଏକ ବୈଠକରେ ଜିଲା ଗ୍ରାମ୍ୟ ଉନୟନ ପ୍ରକଳ୍ପ ନିର୍ଦ୍ଦେଶକ ଅତୁଲ୍ୟ କୁମାର ଚମ୍ପତିରାୟ, ଅତିରିକ୍ତ ଜିଲାପାଳ ତପନ କୁମାର ଶତପଥୀ, ଉପଜିଲାପାଳ ବାସୁଦେବ ଶତପଥୀ, ବିଡିଓ ସୁନୀଲ କୁମାର କେରକେଟା, ତହସିଲଦାର ଡାନିଏଲ ଏକ୍କା, ଜଳ ଓ ପରିମଳ ବିଭାଗର କାର୍ଯ୍ୟ ନିର୍ବାହୀ ଯନ୍ତ୍ରୀ ବିକାଶ ଦାଶ, ବ୍ଲକ ସହକାରୀ କାର୍ଯ୍ୟ ନିର୍ବାହୀ ଯନ୍ତ୍ରୀ ଯାଦବା ନନ୍ଦ ସାହୁଙ୍କ ସମେତ ସମସ୍ତ ବିଭାଗୀୟ ପଦାଧିକାରୀ ଯୋଗ ଦେଇଥିଲେ। ଏହି ଗସ୍ତ ସମୟରେ ଗ୍ରାମ ସମ୍ପାଦକ ପ୍ରଦୀପ ଦେହୁରୀ, ବରିଷ୍ଠ ନେତା ଦେବରାଜ ସାହୁ, ନିଶାମଣି ସାହୁ, ୱାର୍ଡମେମ୍ବର ଦୁଷ୍ମନ୍ତ ସାହୁ, ଗୟା ସାହୁଙ୍କ ସମେତ ଗ୍ରାମର ସମସ୍ତ ମହିଳା ଓ ପୁରୁଷ ଉପସ୍ଥିତ ଥିଲେ।
