ନିଶ୍ଚିନ୍ତକୋଇଲି,୧୪।୨(ସ୍ବ.ପ୍ର.): କରୋନା ମହାମାରୀ ପାଇଁ ବିଦ୍ୟାଳୟ ଓ ମହାବିଦ୍ୟାଳୟ ବନ୍ଦ ଥିଲା । ଗତ ମାସରୁ ଦଶମ ଓ ଦ୍ୱାଦଶ ପିଲାମାନଙ୍କୁ ଶ୍ରେଣୀ କକ୍ଷରେ ଶିକ୍ଷାଦାନ ବ୍ୟବସ୍ଥା ରାଜ୍ୟ ସରକାର ଆରମ୍ଭ କରିଛନ୍ତି। ୧୦୦ଦିନ ଶିକ୍ଷାଦାନର ଏକ ବ୍ୟବସ୍ଥା କରି କୋଭିଡ୍ ଗାଇଡଲାଇନ ଏସ୍ଓପି ଜରିକରିଛନ୍ତି। ପ୍ରତି ରବିବାର ବିଦ୍ୟାଳୟ ଓ ମହାବିଦ୍ୟାଳୟରେ ରବିବାର ମଧ୍ୟ ଶିକ୍ଷାଦାନ ବ୍ୟବସ୍ଥା କରିଛନ୍ତି। ଦଶମ ପିଲାଙ୍କୁ ପରୀକ୍ଷା ଦର୍ପଣ ମଧ୍ୟ ପ୍ରଦାନ କରାଯିବ। ରାଜ୍ୟ ସରକାର ଦଶମ ଓ ଦ୍ୱାଦଶ ଶ୍ରେଣୀ ପିଲାଙ୍କ ପାଇ ଯେଉଁ ନିର୍ଦ୍ଦେଶନାମା ଜାରି କରିଛନ୍ତି ତାହା କେତେଦୂର ପାଳନ କରାଯାଉଛି ସେନେଇ ମଧ୍ୟ ଶିକ୍ଷା ବିଭାଗ ତଦାରଖ କରିବାର ବ୍ୟବସ୍ଥା କରାଯାଇଛି। ବିଭାଗୀୟ ଉଚ୍ଚ କର୍ତ୍ତୃପକ୍ଷ ଏହାର ତଦନ୍ତ କରୁଛନ୍ତି।
ରବିବାର ଉଚ୍ଚ ମାଧ୍ୟମିକ ଶିକ୍ଷା ପରିଷଦର ନିର୍ଦ୍ଦେଶକ ବୃନ୍ଦାବନ ବେହେରା ଅଚାନକ କଟକ ଜିଲା ନିଶ୍ଚିନ୍ତକୋଇଲି ବ୍ଲକ ଗସ୍ତରେ ଆସିଥିଲେ।ସେ ପ୍ରଥମେ ଏହି ବ୍ଲକ ଅଧୀନସ୍ଥ ରାମକୃଷ୍ଣପୁର ଓସ୍ତପୁର ଉଚ୍ଚ ବିଦ୍ୟାଳୟରେ ପହଞ୍ଚି ଶ୍ରେଣୀ ଲକ୍ଷ୍ୟ ପରିଦର୍ଶନ କରିଥିଲେ। ପିଲାଙ୍କୁ ପରୀକ୍ଷା ପ୍ରସ୍ତୁତି, ବିଦ୍ୟାଳୟରେ ଶିକ୍ଷାଦାନ ବ୍ୟବସ୍ଥା ଓ କୋଭିଡ୍ ଗାଇଡଲାଇନ ବିଷୟରେ ପଚାରିଥିଲେ। ପରେ ସ୍ଥାନୀୟ ସରପଞ୍ଚ ମନୋରଞ୍ଜନ ସ୍ବାଇଁ, ପୂର୍ବତନ ସରପଞ୍ଚ ରମେଶ ସ୍ବାଇଁ ଓ ସ୍ଥାନୀୟ ଶିକ୍ଷାବିତ୍ଙ୍କ ସହ ଆଲୋଚନା କରିଥିଲେ। ପରେ ଅସୁରେଶ୍ୱର ସୁଭଦ୍ରା ମହାବିଦ୍ୟାଳୟକୁ ଯାଇ ପିଲା ଓ ଅଧ୍ୟାପକଙ୍କ ସହ ଆଲୋଚନା କରିଛନ୍ତି। ସରକାରଙ୍କ ମାର୍ଗଦର୍ଶିକା ଅନୁଯାୟୀ ପିଲାଙ୍କୁ ପଢ଼ାଯାଉଛି। ରବିବାର ଥିବାରୁ ପିଲାସଂଖ୍ୟା କିଛିକାଂଶରେ କମିଥିବା ଲକ୍ଷ୍ୟ କରାଯାଇଛି।
