ଲଖନପୁର,୩୦।୪(ଡି.ଏନ୍.ଏ.): ମହାମାରୀ କରୋନା ସଂକ୍ରମଣକୁନେଇ ସାରା ବିଶ୍ୱରେ ଭୟାବହ ପରିସ୍ଥିତି ଦେଖାଦେଇଛି। ଏହାକୁ ନିୟନ୍ତ୍ରଣ କରିବା ପାଇଁ ସାରାଦେଶରେ ଲକ୍ଡାଉନ୍ ଜାରି ହୋଇଛି। ଏଭଳି ଜରୁରୀ କାଳୀନ ପରିସ୍ଥିତିରେ ରକ୍ତ ଭଣ୍ଡାରଗୁଡିକରେ ରକ୍ତ ଅଭାବ ଦେଖା ଦେଉଛି। ଏହାକୁ ଦୃଷ୍ଟିରେ ରଖି ଲଖନପୁର ବ୍ଲକ୍ ଭିକମପାଲି ପଞ୍ଚାୟତ ଚିଖିଲାପାଲି ଗ୍ରାମର ଓମ୍ କ୍ଲବ୍ ତରଫରୁ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା। ଏଥିରେ ଓମ୍ କ୍ଲବ୍ର ସଦସ୍ୟ ଓ ଆଖପାଖ ଅଞ୍ଚଳର ଲୋକେ ଯୋଗଦେଇ ସ୍ବେଚ୍ଛାକୃତ ଭାବେ ରକ୍ତଦାନ କରିଛନ୍ତି। ଏହି ଶିବିରରେ ସମୁଦାୟ ୩୯ ୟୁନିଟ୍ ରକ୍ତ ସଂଗ୍ରହ ହୋଇଛି ା ଏଥିରେ ଜିଲା ରେଡ୍କ୍ରସ୍ ବିଭାଗର ଡା. ସିଲବନ୍ତୀ ଜୋଜ, ଡା. ଭାବଗ୍ରାହୀ ବେହେରା, ଦୋଳଗୋବିନ୍ଦ ଚୌହାନ, ଭବାନୀ ଶଙ୍କର ସୁନାନୀ ଓ ପ୍ରକାଶ ପଣ୍ଡା ପ୍ରମୁଖ ସହଯୋଗ କରିଥିଲେ ା ଏଥିରେ ଆୟୋଜକ ଓମ୍ କ୍ଲବ୍ର ସଭାପତି ଈଶ୍ୱର ଚନ୍ଦ୍ର ପଟେଲ, ସମ୍ପାଦକ ଅନିଲ ପଟେଲ, କୋଷାଧ୍ୟକ୍ଷ ପ୍ରମୋଦ ପଟେଲ, ସୁମନ ପଟେଲ, ଦେବଦତ ନାଥ, ଆଶିଷ କୁମାର ନାଥ, ଗୋବର୍ଦ୍ଧନ ନାଥ, ଶିବ କଅଁର, ମହେଶ ଧୁରୁଆ, ଉପେନ୍ଦ୍ର ଖଡିଆ, ସରପଞ୍ଚ କୃଷ୍ଣ କାଲୋ, ସମିତିସଭ୍ୟ ସୁନ୍ଦର ଲାଲ ସେଠ୍, କଷ୍ଟ ବାଗେ, ମନିଷ ବାଗେ, ସୁଶାନ୍ତ ବାଗେ, ହୃଦାନନ୍ଦ ପଟେଲ, ସୁଶୀଲ ନେଗୀ, ଦୀନବନ୍ଧୁ ବିଶ୍ୱାଳ, କୁନ୍ଦନ ସିଂହଦେଓ, ସୁକୁମାର ପୁରୋହିତ, ନିମାଇଁ ସାହୁ ପ୍ରମୁଖ ସହଯୋଗ କରିଥିଲେ।
