କ୍ଷୀର ସ୍ବାସ୍ଥ୍ୟ ପାଇଁ କେତେ ଜରୁରୀ ଏହା ସମସ୍ତଙ୍କୁ ଜଣା। ପ୍ରତ୍ୟେକ ଘରେ ରାତି ପାହିବା ମାତ୍ରକେ କ୍ଷୀର ଆବଶ୍ୟକତା ପଡ଼ିଥାଏ। ଯଦି ସକାଳୁ କ୍ଷୀରବାଲା ଆସି ଦୁଆର ଆଗରେ ଡାକ ନ ଦିଏ, ତେବେ କଥା ସରିଲା। କିନ୍ତୁ ଶୁଣି ଆଶ୍ଚର୍ଯ୍ୟ ହେବେ, ଭାରତରେ ଏଭଳି ଏକ ସ୍ଥାନ ଅଛି ଯେଉଁଠାରେ କ୍ଷୀର ବିକିବା ପାପ ବୋଲି କୁହାଯାଏ। ଆଗ୍ରାର କୁଆଖେଡ଼ା ଗଁାରେ ଏଭଳି ଏକ ପରମ୍ପରା ୨୦୦ ବର୍ଷ ତଳୁ ଚାଲିଆସୁଛି। ଗ୍ରାମବାସୀଙ୍କ ବିଶ୍ୱାସ କ୍ଷୀର ବିକିବା ଅର୍ଥ ପ୍ରକୃତିରାଣୀଙ୍କ କ୍ରୋଧର ଶିକାର ହେବା। ଅର୍ଥାତ୍ ଯିଏ ବି ଏହି ଗଁାରେ କ୍ଷୀର ବିକିଥାନ୍ତି ତାଙ୍କୁ ବିଭିନ୍ନ ପ୍ରକାର ସମସ୍ୟାର ସମ୍ମୁଖୀନ ହେବାକୁ ପଡ଼େ। କେତେବେଳେ ଗାଈର ମୃତ୍ୟୁ ହୁଏ ତ କେତେବେଳେ ବିକ୍ରେତାଙ୍କ ଶରୀର ରୋଗଗ୍ରସ୍ତ ହୋଇପଡ଼େ। ଏଭଳି ଘଟଣା ପୂର୍ବପୁରୁଷ ଅମଳରୁ ଘଟିଆସୁଥିବାରୁ ଏଠାରେ କ୍ଷୀର ବିକ୍ରି ଉପରେ ନିଷେଧ ଜାରି କରାଯାଇଛି। କ୍ଷୀରକୁ ଦହି କିମ୍ବା ଛେନା ଭାବେ ଏଠାରେ ବିକ୍ରି କରାଯାଇଥାଏ। ଯଦି କାହାର କ୍ଷୀର ଦରକାର ପଡ଼େ, ତେବେ ତାଙ୍କୁ ମାଗଣାରେ ପ୍ରଦାନ କରାଯାଏ। କ୍ଷୀର ନିଷେଧ ଯୋଗୁ ଏହି ଗାଁରେ ଚା’ ଦୋକାନ ମଧ୍ୟ ନାହିଁ।