ଯୁବଗୋଷ୍ଠୀଙ୍କ ଅଭିନବ ପ୍ରୟାସ: ପୂଜା ହେଲେ ୧୫୦ରୁ ଊର୍ଦ୍ଧ୍ୱ ଗୁରୁଜନ

ଉଦଳା, ୩ା୨(ଡି.ଏନ.ଏ.)-ଆଜିର ସମାଜରେ ବୃଦ୍ଧ ମା’ବାପାଙ୍କୁ ବୃଦ୍ଧାଶ୍ରମରେ ଦେଖିବାକୁ ମିଳୁଛି ା ମା’ ବାପା ଚଳନ୍ତି ଠାକୁର ହୋଇଥିବା ବେଳେ ସେମାନଙ୍କୁ ଅବହେଳା କରୁଛନ୍ତି ଜନ୍ମ କଲା ପିଲାମାନେ ା ଜୀବନର ଶେଷ ପାହାଚରେ ପିଲାଙ୍କ ସ୍ନେହ ଟିକିଏ ପାଇଁ ସେମାନେ ଡହଳବିକଳ ହେଉଛନ୍ତି। ହେଲେ ସେହି ସ୍ନେହ ମମତା ଦେବାକୁ ପ୍ରୟାସ କରି ପଥଭ୍ରଷ୍ଟ ଯୁବସମାଜକୁ ବାଟକୁ ଆଣିବା ନିମନ୍ତେ ଏକ ନୂଆ ବାର୍ତ୍ତା ଦେଇଛନ୍ତି କପ୍ତିପଦା ଉପଖଣ୍ଡ ଉଦଳା ବ୍ଲକ ଡିହିରାକୁଳ ଗ୍ରାମର ଯୁବଗୋଷ୍ଠୀ। ଏହି ପରିପ୍ରେକ୍ଷୀରେ ରବିବାର ଅନୁଷ୍ଠିତ ହୋଇଥିଲା ‘ ଆମ ଗଁା ଗୁରୁଜନ ପୂଜନ ଉତ୍ସବ’। ଗ୍ରାମର ଗୋପୀନାଥ ଜୀଉ ମେଲଣ ପଡିଆରେ ଆୟୋଜିତ ହୋଇଥିଲା ଏକ ମଞ୍ଚ ା ବୟୋଜ୍ୟେଷ୍ଠମାନଙ୍କ ପାଛୋଟି ଅଣାଯାଇଥିଲା ମଞ୍ଚ ନିକଟକୁ। ଯେଉଁମାନେ ଚାଲିବାକୁ ଅସମର୍ଥ ସେମାନଙ୍କୁ ହୁଇଲ ଚେୟାରରେ ମଞ୍ଚ ନିିକଟକୁ ପାଛୋଟି ନିଆଯାଇଥିଲା। ମଞ୍ଚ ନିକଟରେ ପହଞ୍ଚତ୍ବା ପରେ ପ୍ରଥମେ ଗୁରୁଜନମାନଙ୍କୁ ଗ୍ରାମବାସୀଙ୍କ ତରଫରୁ ଶ୍ରଦ୍ଧାର ସହିତ ପଦ ପ୍ରକ୍ଷାଳନ ପରେ ଚନ୍ଦନ ପୁଷ୍ପ ଆଦିରେ ବନ୍ଦାପନ କରାଯାଇ ପାଦପୂଜା କରାଯାଇଥିଲା ା ନୂତନ ବସ୍ତ୍ର ଅତିଥିମାନଙ୍କ ଦ୍ୱାରା ପ୍ରଦାନ କରାଯାଇ ଜଳଯୋଗ ବ୍ୟବସ୍ଥା ଆୟୋଜନ କରାଯାଇଥିଲା୧ ଏହି ମଞ୍ଚରେ ଉଦଳା ତଥା ଡିହିରାକୁଳ ଗ୍ରାମର ୧୫୦ରୁ ଊର୍ଦ୍ଧ୍ୱ ବୟୋଜ୍ୟେଷ୍ଠ ନାଗରିକ ଯୋଗ ଦେଇଥିଲେ। ଆଧ୍ୟାତ୍ମିକ ପରିବେଶ ମଧ୍ୟରେ ଗୁରୁଜନ ପୂଜନ କମିଟିର ସଦସ୍ୟମାନେ ଯୋଗ ଦେଇଥିବା ବେଳେ ମହିଳା ପୁରୁଷ ଗୁରୁଜନମାନଙ୍କୁ ପାଦ ପୂଜା କରି ଆଶୀର୍ବାଦ କାମନା କରିଥିଲେ ା ସମସ୍ତ ଗୁରୁଜନମାନଙ୍କୁ ଫୁଲଚନ୍ଦନ ଦେଇ ପୂଜାର୍ଚ୍ଚନା ପରେ ଉପଢୌକନ ପ୍ରଦାନ କରାଯାଇଥିଲା। ଆଧ୍ୟାତ୍ମିକ ଭାବଧାରାରେ ନାମ ସଂକୀର୍ତ୍ତନ, ଭଜନ ଏବଂ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଏହି କାର୍ଯ୍ୟକ୍ରମକୁ ରାଢୋ କେଜିବିଭିର ଛାତ୍ରୀମାନେ ପରିବେଷଣ କରିଥିଲେ ା କଣ୍ଠଶିଳ୍ପୀ ବିଶ୍ୱନାଥ ପଣ୍ଡା ଭକ୍ତିପୂତ ଭଜନ ଗାନ କରିଥିଲେ। ଆୟୋଜିତ ମଞ୍ଚରେ ଏକ ସଭାର ଆୟୋଜନ କରାଯାଇଥିଲା। ଅତିଥି ଭାବେ ଏମ୍‌ପି ବିଶେଶ୍ୱର ଟୁଡୁ, ଉଦଳା ବିଧାୟକ ଭାସ୍କର ଚନ୍ଦ୍ର ମଢେଇ, ଉଦଳା ଅଞ୍ଚଳର ବରିଷ୍ଠ ନାଗରିକ ଜୟଚନ୍ଦ୍ର ପତ୍ରୀ, ଉପଖଣ୍ଡ ସୂଚନା ଓ ଲୋକସମ୍ପର୍କ ଅଧିକାରୀ ରମେଶ ଚନ୍ଦ୍ର ନାୟକ, ରାଢୋ ଯୁକ୍ତ ଦୁଇ ମହାବିଦ୍ୟାଳୟ ଅଧ୍ୟକ୍ଷ ଲକ୍ଷ୍ମୀକାନ୍ତ ଦାସ, ସାମାଜିକ କର୍ମୀ ଅମୀୟ କୁମାର ବଳ, ଶିକ୍ଷାବିତ୍‌ କେଦାର ନାଥ ପୃଷ୍ଟି, ସମାଜସେବୀ ସନ୍ତୋଷ କୁମାର ବାଚ୍ଛିନୀ ଯୋଗ ଦେଇ ଗୁରୁଜନମାନଙ୍କ ଆଶୀର୍ବାଦ ଭିକ୍ଷା କରିବା ସହିତ ଆଜିର ଯୁବ ସମାଜର ଦାୟିତ୍ୱ ଓ କର୍ତ୍ତବ୍ୟ ସମ୍ବନ୍ଧରେ ଆଲୋକପାତ କରିଥିଲେ ା ଯୁବ ସଂଯୋଜକ ରମେଶ ଚନ୍ଦ୍ର ପୃଷ୍ଟିଙ୍କ ଆବାହକତ୍ୱରେ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଗ୍ରାମର ପ୍ରଦୀପ ପୃଷ୍ଟି, ଭିକାରୀ ଚରଣ ପୃଷ୍ଟି, ଅନିତା ବିଶ୍ୱାଳ, ରାଜାରାମ ବେହେରା ଗୁରୁଜନଙ୍କ ଉଦ୍ଦେଶ୍ୟରେ କବିତା ପାଠ କରିଥିଲେ ା ଶେଷରେ ସଂକୀର୍ତ୍ତନ କରି ସମସ୍ତ ଗୁରୁଜନଙ୍କୁ ପରିକ୍ରମା ପୂର୍ବକ ଆଶୀର୍ବାଦ ଭିକ୍ଷା କରାଯାଇଥିଲା ା ଉଦଳାରୁ ବିଶିଷ୍ଟ ଗୁରୁଜନ ଭାବେ ଲକ୍ଷ୍ମୀଧର ପୁଥାଳ, କିଶୋର ଚନ୍ଦ୍ର ଦାସବାବୁ, ସନାତନ ରାଉତ, ରବିକାନ୍ତ ମହାପାତ୍ର, ରବିନାରାୟଣ ସ୍ବାଇଁଙ୍କ ସମେତ ଡିହିରାକୁଳ ଗ୍ରାମର ହରେକୃଷ୍ଣ ପୃଷ୍ଟି, ହରମୋହନ ପୃଷ୍ଟି, କୈଳାସ ହାତୀ, ପ୍ରଫୁଲ୍ଲ ହାତୀ, ପ୍ରଫୁଲ୍ଲ ଜେନା, ଭାଗବତ ହାତୀ, ଡୁମା ପ୍ରସାଦ ପ୍ରଧାନ ପ୍ରମୁଖ ଯୋଗ ଦେଇଥିଲେ ା