ନିରାକରପୁର,୭ା୬(ଡି.ଏନ.ଏ.): ଖୋର୍ଦ୍ଧା ଉପଖଣ୍ଡ ଲେଣ୍ଡୋ ପଞ୍ଚାୟତ ଅଧୀନ ଯାଜପୁର ଗ୍ରାମରେ ଏବେସୁଦ୍ଧା ୨ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଫଳରେ ଜିଲା ପ୍ରଶାସନ ପକ୍ଷରୁ ଉକ୍ତ ଗ୍ରାମକୁ ରବିବାର ୭୨ ଘଣ୍ଟା ପାଇଁ ଶଟ୍ଡାଉନ ଘୋଷଣା କରାଯାଇଛି। ଟାଙ୍ଗୀ ଦମକଳ ବାହିନୀ ପକ୍ଷରୁ ସମ୍ପୂର୍ଣ୍ଣ ଗ୍ରାମକୁ ବିଶୋଧନ କରାଯାଇଛି। ଟାଙ୍ଗୀ ଓ ନିରାକାରପୁର ଅଞ୍ଚଳ ସ୍ବାସ୍ଥ୍ୟକର୍ମୀମାନେ ଆକ୍ରାନ୍ତଙ୍କ ପରିବାର ସମେତ ଗ୍ରାମବାସୀଙ୍କ ସ୍ବାସ୍ଥ୍ୟ ପରୀକ୍ଷା କରିଛନ୍ତି। ଗ୍ରାମ ମୁଖ୍ୟ ରାସ୍ତାକୁ ସିଲ୍ କରି ଦିଆଯିବାରୁ ଏହା ଉପରେ ନିର୍ଭର କରୁଥିବା ଅନ୍ୟ ଗ୍ରାମବାସୀଙ୍କ ଗମନାଗମନରେ ବାଧା ସୃଷ୍ଟି ହୋଇଛି। ୭୨ଘଣ୍ଟା ପରେ ଶଟ୍ଡାଉନ ହଟାଯିବ ବୋଲି ଟାଙ୍ଗି ବିଡିଓ ଅକ୍ଷୟ କୁମାର ରାଉତ ସୂଚନା ଦେଇଛନ୍ତି। ଏଭଳି ପରିସ୍ଥିତିକୁ ନେଇ କେହି ଭୟଭୀତ ନ ହେବା ପାଇଁ ବିଡିଓ ରାଉତ ଲୋକଙ୍କୁ ନିବେଦନ କରିଛନ୍ତି।
ସୂଚନାଯୋଗ୍ୟ, ଚିହ୍ନଟ ଦ୍ୱୟ ଦାଦିପୁତୁରା। ଉୟ ସୁରଟ ଓ ମହାରାଷ୍ଟ୍ରରୁ ଫେରିଥିଲେ। ସେମାନଙ୍କ ମଧ୍ୟରୁ କିଛିଦିନ ତଳେ ଦାଦାଙ୍କ କରୋନା ପଜିଟିଭ ଚିହ୍ନଟ ହୋଇଥିଲା। ରବିବାର ପୁତୁରାଙ୍କ ପିଜିଟିଭ ଚିହ୍ନଟ ହୋଇଛି। ଉଭୟ କ୍ୱାରାଣ୍ଟାଇନ ଓ ହୋମ୍ କ୍ୱାରାଣ୍ଟାଇନ ସାରିଥିଲେ।
