ନୂଆଦିଲ୍ଲୀ,୨୫।୭: କଂଗ୍ରେସ ଏମ୍ପି ଏବଂ ଲୋକ ସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ ଶନିବାର ଏକ ସାମ୍ବାଦିକ ସମ୍ମିଳନୀରେ NEET ପେପର ଲିକ ଏବଂ ପରୀକ୍ଷା ବ୍ୟବସ୍ଥାରେ ଅନିୟମିତତା ସମ୍ପର୍କରେ କେନ୍ଦ୍ର ସରକାରଙ୍କ ଉପରେ ଟାର୍ଗେଟ୍ କରିଛନ୍ତି। ସେ କହିଛନ୍ତି, ମୁଁ ଅନଶନରେ ବସିଥିବା ଛାତ୍ରମାନଙ୍କ ସହ କଥା ହୋଇଛି ଏବଂ ସେମାନଙ୍କର ତିନୋଟି ପ୍ରମୁଖ ଦାବି ଅଛି, ଯାହା ଅଣଦେଖା କରିହେବ ନାହିଁ। ଛାତ୍ରମାନଙ୍କର ପ୍ରାଥମିକ ଏବଂ ସବୁଠାରୁ ଗୁରୁତ୍ୱପୂର୍ଣ୍ଣ ଦାବି ହେଉଛି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ତାଙ୍କ ପଦବୀରୁ ବହିଷ୍କାର କରିବା।
ରାହୁଲ ଗାନ୍ଧୀ ପୁନରାବୃତ୍ତି କରିଥିଲେ ଯେ, ଶିକ୍ଷା ବ୍ୟବସ୍ଥା ମଧ୍ୟରେ ଦାୟିତ୍ୱ ପ୍ରତିଷ୍ଠା ହେବା ଆବଶ୍ୟକ। କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦୁର୍ନୀତିଗ୍ରସ୍ତ, ଅଯୋଗ୍ୟ ଏବଂ ପ୍ରଭାବଶାଳୀ ଭାବରେ ତାଙ୍କ ଦାୟିତ୍ୱ ନିର୍ବାହ କରିବାରେ ବିଫଳ। ତାଙ୍କୁ ତାଙ୍କ ପଦବୀରୁ ତୁରନ୍ତ ବହିଷ୍କାର କରିବା। ଏହାସହ ପ୍ରଧାନମନ୍ତ୍ରୀ ମୋଦି ମଧ୍ୟ ଛାତ୍ରୀଛାତ୍ରଙ୍କୁ କ୍ଷମା ମାଗିବା ଆବଶ୍ୟକ।
ରାହୁଲ ଗାନ୍ଧୀ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କ୍ୟାବିନେଟରେ ଧର୍ମେନ୍ଦ୍ର ପ୍ରଧାନଙ୍କୁ ଶିକ୍ଷା ମନ୍ତ୍ରଣାଳୟରୁ ଅନ୍ୟ ଏକ ମନ୍ତ୍ରଣାଳୟକୁ ସ୍ଥାନାନ୍ତର କରିବା ସମ୍ପର୍କରେ ଆଲୋଚନା ଚାଲିଛି। ଏପରି ପଦକ୍ଷେପ ଦ୍ୱାରା ସମାଧାନ ହେବ ନାହିଁ। ଭାରତର ଛାତ୍ର କିମ୍ବା ଦେଶର କୌଣସି ନାଗରିକ ଏହାକୁ ଗ୍ରହଣ କରିବେ ନାହିଁ।
Dharitri – Odisha’s No.1 Odia Daily
