ନୂଆଦିଲ୍ଲୀ,୨୮।୫: ଗତବର୍ଷ ନିଜର ଫସଲ ବିକ୍ରିକରି ଆୟ କରିଥିବା ଅର୍ଥକୁ ରାଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମନିଅର୍ଡର କରିଥିବା କୃଷକ ଏବେ ପୁଣି ଥରେ ଆସିଛନ୍ତି ଚର୍ଚ୍ଚାକୁ। ଏଥର ସେ ପ୍ରଧାନମନ୍ତ୍ରୀଙ୍କ ନିକଟକୁ ଏକ ପାର୍ସଲ ପଠାଇଛନ୍ତି। ଯେଉଁଥିରେ ଗୋଟିଏ ଗାନ୍ଧୀ ଟୋପି, ୨ଟି ଧଳା ରୁମାଲ ଓ ଏକ ଚିଠି ରହିଛି। ଏହି ଚିଠିରେ ପ୍ରଥମେ ସେ ମୋଦିଙ୍କୁ ଲୋଭ ସଭାରେ ବିଜୟ ପାଇଁ ଶୁଭେଚ୍ଛା ଜଣାଇଛନ୍ତି। ଏହାସହ ଏଥର ନିତିନ ଗଡକରୀଙ୍କୁ କୃଷିମନ୍ତ୍ରୀ କରିବାକୁ ସେ ମୋଦିଙ୍କୁ ଅନୁରୋଧ କରିଛନ୍ତି। ସୂଚନାଯୋଗ୍ୟ, ମହାରାଷ୍ଟ୍ର ନାସିକର କୃଷକ ସଞ୍ଜୟ ସାଠେ ଗତବର୍ଷ ନିଜ ପିଆଜ ଫସଲର ଅଭାବି ବିକ୍ରି ପରେ ୭୫୦ କିଲୋ ପିଆଜ ବିକି ପାଇଥିଲେ ୧୦୬୪ ଟଙ୍କା। ଯାହା ତାଙ୍କ ଖର୍ଚ୍ଚ ଓ ପରିଶ୍ରମଠାରୁ ଯଥେଷ୍ଟ କମ୍। ତେଣୁ ସେ ଅଭିମ।ନ କରି ଉକ୍ତ ୧୦୬୪ ଟଙ୍କାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମନିଅର୍ଡର କରି ଆସିଥିଲେ ଚର୍ଚ୍ଚାକୁ।
