ଟିଭି ଅଭିନେତ୍ରୀ ସାନଭି ତଲୱାର ଅଭିନେତା କରଣ କୁନ୍ଦ୍ରାଙ୍କ ବିରୋଧରେ ଗମ୍ଭୀର ଅଭିଯୋଗ ଆଣିଛନ୍ତି। ‘ୟେ କହାନ ଆ ଗୟେ ହମ’ ଟିଭି ଶୋ’ର ଶୁଟିଂ ସମୟରେ କରଣ ତାଙ୍କ ସହିତ ଦୁର୍ବ୍ୟବହାର କରିଥିବା ସେ କହିଛନ୍ତି।
ସାନଭି କହିଛନ୍ତି, କରଣ ଏବଂ ଶୋ’ର ତତ୍କାଳୀନ ନିର୍ଦ୍ଦେଶକଙ୍କୁ ମୁଁ ସେଟରେ ଦୂରେଇ ରହିବା ଏବଂ ଅଧିକ ସାମାଜିକ ଭେଟଘାଟ ନ କରିବା ପସନ୍ଦ ଆସି ନ ଥିଲା। ଏକ ଦୃଶ୍ୟ ଚାଲୁଥିଲା, କିନ୍ତୁ ନିର୍ଦ୍ଦେଶକ ଆକ୍ସନ ଡାକି ନ ଥିଲେ। ଏହା ପୂର୍ବରୁ କରଣ ମୋତେ ଚୁମ୍ବନ ଦେଇଥିଲେ, ତେଣୁ ମୁଁ ତାଙ୍କୁ ଚାପୁଡ଼ା ମାରିଥିଲି। ସେ ସେତେବେଳେ କୌଣସି ପ୍ରତିକ୍ରିୟା ଦେଇ ନ ଥିଲେ। କିନ୍ତୁ କିଛି ସମୟ ପରେ, ସେ ଫେରି ଆସି ମୋତେ ଜୋରରେ ଚାପୁଡ଼ା ମାରିଥିଲେ। ଜଣେ ଝିଅ ଏବଂ ଜଣେ ପୁଅଙ୍କ ଚାପୁଡ଼ାର ବଳରେ ପାର୍ଥକ୍ୟ ଅଛି। ମୁଁ ତଳେ ପଡ଼ିଗଲି। ଏହା ପରେ ସେ ମୋତେ ଏବଂ ମୋ ପରିବାରକୁ ଗାଳି ଦେବା ଆରମ୍ଭ କଲେ। ସେତେବେଳେ ସେଟରେ କେହି ମୋତେ ସମର୍ଥନ କରି ନ ଥିଲେ। ପ୍ରଯୋଜକ ଏକତା କପୁର ପରେ କରଣଙ୍କ ପକ୍ଷରୁ କ୍ଷମା ମାଗି ତାଙ୍କ ସମର୍ଥନ କରିଥିଲେ, ଯାହା ତାଙ୍କ କାମକୁ ଟିକେ ସହଜ କରିଥିଲା। କରଣ ସେତେବେଳେ ଅଭିନେତ୍ରୀ ଅନୁଷା ଦାଣ୍ଡେକରଙ୍କୁ ଡେଟ କରୁଥିଲେ। ଘଟଣା ବିଷୟରେ ଜାଣିବା ପରେ, ଅନୁଷା ମଧ୍ୟ ସେଟକୁ ଆସିବାକୁ ଲାଗିଲେ। ଏହା ସତ୍ତ୍ୱେ କରଣ ଏବଂ ନିର୍ଦ୍ଦେଶକ ତାଙ୍କ ପାଇଁ କାର୍ଯ୍ୟ ପରିବେଶକୁ କଷ୍ଟକର କରିଦେଇଥିଲେ।
ଯଦିଓ ସେ ନିର୍ଦ୍ଦେଶକଙ୍କ ନାମ ନେଇ ନଥିଲେ, ଦୀପକ ବିଠୋବା ଚୌହାନ, ରଞ୍ଜନ କୁମାର ସିଂହ ଏବଂ ରଣଦୀପ ଶାନ୍ତାରାମ ମହାଦିକ ଶୋ’ ସହିତ ଜଡିତ ଥିଲେ। ସାନଭି ଅନେକଥର ସାକ୍ଷାତକାରରେ କରଣଙ୍କ ଉପରେ ଲଗାତାର ଅଭିଯୋଗ କରିଆସୁଛନ୍ତି। ଏହି ସମ୍ପୂର୍ଣ୍ଣ ମାମଲାରେ କରଣ କିମ୍ବା ତାଙ୍କ ପ୍ରେମିକା ଅଭିନେତ୍ରୀ ତେଜସ୍ବୀ ପ୍ରକାଶଙ୍କ ପକ୍ଷରୁ କୌଣସି ପ୍ରତିକ୍ରିୟା ଆସିନାହିଁ।
Dharitri – Odisha’s No.1 Odia Daily
