ମେଦବହୁଳତା ଓ ବ୍ୟାକ୍ଟେରିଆ
9:16 amFebruary 3, 2020February 3, 2020 / 05

ମେଦବହୁଳତା ଏପରି ଏକ ସମସ୍ୟା ଯାହା ପାଇଁ ପୂର୍ବରୁ ସତର୍କ ନ ହେଲେ ତାହା ଗମ୍ଭୀର ସ୍ବାସ୍ଥ୍ୟ ସମସ୍ୟାକୁ ଡାକି ଆଣିଥାଏ। ଅଧିକ ତୈଳଯୁକ୍ତ ଖାଦ୍ୟ, ଫାଷ୍ଟଫୁଡ୍‌ ଏବଂ ଆବଶ୍ୟକ ମୁତାବକ ନିଦ୍ରା ନ ଯିବା ଏହାର ପ୍ରମୁଖ କାରଣଗୁଡ଼ିକ ମଧ୍ୟରୁ ଅନ୍ୟତମ। ତେବେ ଏପରି ସମସ୍ୟା ପାଇଁ ଏକ ପ୍ରକାର ବ୍ୟାକ୍ଟେରିଆ ମଧ୍ୟ ଦାୟୀ ବୋଲି କାଲିଫର୍ନିଆ ୟୁନିଭର୍ସିଟିର ବିଶେଷଜ୍ଞମାନେ ମତ ଦେଇଛନ୍ତି। ବିଶ୍ୱରେ ମେଦବହୁଳତାଜନିତ ମୃତ୍ୟୁ ଦିନକୁ ଦିନ ବଢ଼ିଚାଲିଛି। ତେଣୁ ଏହାର କାରଣଗୁଡ଼ିକୁ ବିଶ୍ଳେଷଣ କରିବା ସମୟରେ ସେମାନେ ଏକ ବ୍ୟାକ୍ଟେରିଆ ଠାବକରିଥିଲେ। ‘ଫ୍ଲୋରା’ ନାମକ ବ୍ୟାକ୍ଟେରିଆକୁ ପରୀକ୍ଷା କରିବା ସମୟରେ ତାହା ମେଦବହୁଳତା ପାଇଁ ଅନେକାଂଶରେ ଦାୟୀ ବୋଲି ସେମାନେ ଜାଣିବାକୁ ପାଇଥିଲେ। ତେବେ ଏହା ପଛରେ ଆହୁରି କି ରହସ୍ୟ ଲୁଚି ରହିଛି ତାହା ଜାଣିବାକୁ ସେମାନେ ପ୍ରୟାସ ଜାରି ରଖିଛନ୍ତି।