ଗଞ୍ଜାମ,୧୩ା୪(ଡି.ଏନ୍.ଏ.): କରୋନା ଭୂତାଣୁ ସାରା ବିଶ୍ୱରେ କାୟା ବିସ୍ତାର କରିଚାଲିଛି। ଦିନକୁ ଦିନ କରୋନା ଭୂତାଣୁ ସଂକ୍ରମିତଙ୍କ ସଂଖ୍ୟା ବଢୁଛି। ଯାହା ସରକାରଙ୍କ ଚିନ୍ତା ବଢ଼ାଉଛି। ଏଥିପାଇଁ ସରକାର ଲକ୍ଡାଉନ୍ ଘୋଷଣା କରିଛନ୍ତି। ଭୟରେ ଲୋକେ ଘରୁ ବାହାରି ପାରୁନାହାନ୍ତି । ଗଞ୍ଜାମ ସହରରେ ମଧ୍ୟ ଲକ୍ଡାଉନ୍ ଘୋଷଣା କରାଯାଇଛି। ଏହି ସହରର ପରିବା ବ୍ୟବସାୟୀଙ୍କୁ ଏନ୍ଏସି ପ୍ରଶାସନ ନିଜ ଓ୍ବାର୍ଡରେ ବିକ୍ରି କରିବାକୁ ପରାମର୍ଶ ଦେବା ସହ ଉଠାଦୋକାନୀଙ୍କୁ ମଧ୍ୟ ମାର୍କେଟ ଆସି ବିକ୍ରି କରିବାକୁ ତାଗିଦ୍ କରିଛି। ଫଳରେ ଉଠା ଦୋକାନୀମାନେ ଅନ୍ୟ ଉପାୟ ନ ପାଇଁ ସହର ମୁଖ୍ୟ ରାସ୍ତା ପାର୍ଶ୍ୱରେ ପରିବା ବିକ୍ରି କରୁଛନ୍ତି।ଯାହା ଫଳରେ ରାସ୍ତା ମଧ୍ୟାହ୍ନ ୧୨ଟା ପର୍ଯ୍ୟନ୍ତ ରାସ୍ତା ଭିଡ଼ ରହୁଛି। ଅନ୍ୟପକ୍ଷରେ ଭାରତୀ ବିଦ୍ୟାପୀଠ ମିନି ଷ୍ଟାଡିୟମ ପଡ଼ିଆ ଖୋଲା ଅଛି। ଏନ୍ଏସି ପ୍ରଶାସନ ଉଠା ପରିବା ବ୍ୟବସାୟୀଙ୍କୁ ଉକ୍ତ ପଡ଼ିଆରେ ବିକ୍ରି ପାଇଁ ଅନୁମତି ଦେବାକୁ ଅଞ୍ଚଳବାସୀ ଦାବି କରିଛନ୍ତି।
