କରୋନା ଏପରି ଏକ ରୋଗ ଯାହା କି ସାତରୁ ଦଶ ଦିନ ଭିତରେ ମୃତ୍ୟୁମୁଖ ବ୍ୟାଧିରେ ପାଲଟି ଯାଏ l ଚାଇନା ଦେଶରେ କୁଆଡେ ବହୁ ବୃହତ୍ ଯୁଗ୍ମ ପରିବାର ର ସବୁ ସଦସ୍ୟଙ୍କୁ କାଳ ଗ୍ରାସ କରିଅଛି l ଏହି କରୋନା ଭୂତାଣୁର ହଠାତ୍ ସଂକ୍ରମଣ ସମ୍ଭାବନା ସମ୍ପୂର୍ଣ୍ଣ ଅଧିକ l ଆପତତଃ କୌଣସି ଔଷଧ ନାହିଁ l ଲଣ୍ଡନସ୍ଥିତ ଅନ୍ତର୍ଜାତୀୟ କମିଟି ( Taxonomy of Viruses ) ଏହି ଭୂତାଣୁ ର ନାମ ‘ଏସଏଆରଏସ-କୋଭ୍-୧୯’ ଦେଇଛନ୍ତି, ଯାହା କି COVID-୧୯ ନାମକ ମାରକ ବ୍ୟାଧି ସୃଷ୍ଟିକାରକ l
ଏସଏଆରଏସ-କୋଭ୍-୯ ଏକ ଆର୍ ଏନ୍ଏ (RNA) ଜାତୀୟ ଭୂତାଣୁ l
ଏହି ଭୂତାଣୁର ଆକାର ଏକ ମିଟରର ଏକ ଶହ କୋଟି ଭାଗ l ଏହାର ସାରା ଦେହ ଏରିୟଲ ଆଚ୍ଛାଦିତ l ଏହା ଦ୍ୱାରା କୋଷ ସାଥିରେ ଯୁଗ୍ମ ହୁଏ ଭିତରକୁ ପଶେ – ଭିତରୁ ଖାଇ ଯାଏ, ନିଜ ବଂଶ ବୃଦ୍ଧି କରେ ଏବଂ ବାହାରକୁ ବାହାରି ଏକ ଘଣ୍ଟାରେ ମନୁଷ୍ୟ /ପ୍ରାଣୀ ଶରୀରରେ ଏକ ହଜାର କୋଟି ସଂଖ୍ୟାକୁ ବୃଦ୍ଧି ପାଇ ପାରେ l
ଏସଏଆରଏସ-କୋଭ୍-୧୯ ଏକ ଲଗାମ୍ହୀନ ସଇତାନ୍, ଯାହା ହାତ ସ୍ପର୍ଶ ବା ସିଧା ସଳଖ ନାକ ବା ପାଟି ପଟେ ପ୍ରବେଶ କରି ଫୁସ୍ଫୁସ୍କୁ ଯାଇପାରିବ l ପେଟକୁ ଗଲେ ବା ଦେହରେ ଲାଗି ରହିଲେ କିଛି ହେବ ନାହିଁ l କରୋନା ଭୂତାଣୁ ମୁଖ ବା ନାକ ଦେଇ ପ୍ରବେଶ କରେ କିନ୍ତୁ ଗଳା ପାଖରେ ଥିବା ଘଣ୍ଟିକାରେ ଅଟକି ଯାଏ। ଏସଏଆରଏସ-କୋଭ୍-୧୯ ଭୂତାଣୁର ଜୀବନ ମିୟାଦ ୬-୨୪ ଘଣ୍ଟା ହୋଇଥିବାରୁ ପ୍ରାୟ ୫୦ ପ୍ରତିଶତ ପ୍ରବେଶ ସମ୍ଭବ ବୋଲି ବୈଜ୍ଞାନିକମାନଙ୍କ ମତ l
ଭୂତାଣୁ ଗଳାର ଘଣ୍ଟିକା ପାର କରିଲା ପରେ ଫୁସ୍ଫୁସ୍ର ଗଭୀର ସ୍ଥଳକୁ ନିଜ ବାସସ୍ଥାନ କରେ l ସେଠାରେ ଅମ୍ଳଜାନ କମ୍ ଓ ନାଇଟ୍ରୋଜେନ ବେଶି ଥାଏ। କ୍ଲୋରାଇଡ୍ ଓ ଆୟୋଡିନ ବେଶି କିନ୍ତୁ ସୋଡିୟମ କମ୍ ଥାଏ l ଏହି ପରିବେଶ ଏସଏଆରଏସ-କୋଭ୍-୧୯ ପାଇଁ ଅତ୍ୟନ୍ତ ସହାୟ ହୁଏ l ଏହି ସମୟ ମଧ୍ୟରେ (ପ୍ରଥମ ସାତଦିନ) ନବ ଆଗନ୍ତୁକ ଭୂତାଣୁକୁ ନିଷ୍କ୍ରିୟ କରିବା ପାଇଁ ଶରୀର ମହା ଯୁଦ୍ଧ ଆରମ୍ଭ କରେ l
ନିର୍ଗତ ହୁଏ ସହସ୍ର କୋଟି WBCs l କରୋନା ଭୂତାଣୁ କିନ୍ତୁ WBCକୁ ଅତି ସହଜରେ ଦମନ କରେ ଓ ପରିଣାମ ସ୍ବରୂପ ଫୁସ୍ଫୁସ୍ ସୁତୁଲି ଜାଲ ରୂପ ନିଏ l
ସାତ ଦିନ ମଧ୍ୟରେ ସମଗ୍ର ଛାତି ଏକ ପିଣ୍ଡୁଳା ପରି ହୋଇଯାଏ l ଅଥଚ ଯକ୍ଷ୍ମା ପରି ଫୁସ୍ଫୁସ୍କୁ କ୍ଷତି କରେ ନାହିଁ, କେବଳ ଫୁସ୍ଫୁସ୍ ଉପରେ ଏକ ସୁତୁଲି ଚାଦର ମାଡି ଯାଏ I ତା’ପରେ ଆରମ୍ଭ ହୁଏ ୧୨-୨୪ ଘଣ୍ଟା ବିଶିଷ୍ଟ ମୃତ୍ୟୁମୁଖୀ ଝରଣା – ଯଥା ଫୁସ୍ଫୁସ୍ ଆଉ ଅମ୍ଳଜାନ ବିଶିଷ୍ଟ ରକ୍ତ ହୃତପିଣ୍ଡକୁ ପଠାଇ ପାରେ ନାହିଁ l ଏହା ଯୋଗୁ ହୃତପିଣ୍ଡର ମାଂସପେଶୀ ହୃଦ୍ଘାତ ଭଲି ଦୁର୍ବଳ ଅବସ୍ଥା ହୁଏ l ତତ୍ ସଙ୍ଗେ ବୃକକ୍ (କିଡନୀ)ର ବି ଅସୁବିଧା ହୋଇଥାଏ l ଫୁସ୍ଫୁସ୍ ପବନ ବଦଳରେ ପାଣିରେ ଭରିବା ଆରମ୍ଭ ହୁଏ l ଏହାପରେ ଅବସ୍ଥା ଗୁରୁତର ହୋଇଯାଏ l
ରୋଗୀ ସଂସ୍ପର୍ଶରେ ଯିଏ ବି ଆସେ ତାକୁ ମଧ୍ୟ ଏହି ଭୂତାଣୁ ସଂକ୍ରମଣ ହୁଏ ଓ ସମସ୍ତଙ୍କର ସମାନ ଅବସ୍ଥା ମଧ୍ୟ ହୋଇପାରେ l ଏସଏଆରଏସ-କୋଭ୍-୧୯ ଆଣି ଦେଇଛି ଏକ ଅମଡ଼ା ବାଟ। ଉପାୟ ଦିଶୁନାହିଁ l ଅନେକ ଦେଶରେ ବୈଜ୍ଞାନିକମାନେ ଅନେକ ଚେଷ୍ଟା ଜାରି ରଖିଛନ୍ତି ଏହାର ଔଷଧ ଓ ଚିକିତ୍ସା ଖୋଜିବାରେ l ଘରୁ ବାହାରନ୍ତୁ ନାହିଁ ଓ ସାମାଜିକ ଦୂରତା ପାଳନ କରନ୍ତୁ l ଏହି ରୋଗକୁ ପ୍ରତିହତ କରିବା ପାଇଁ ଏହା ହିଁ ସବୁଠାରୁ ପ୍ରଯୁଜ୍ୟ ବିକଳ୍ପ l ଆମେ ଏହି ଯୁଦ୍ଧରେ ଜିତିବୁ-ଏପରି ଦୃଢ଼ ବିଶ୍ୱାସ ଆମ ଭିତରେ ରହିବା ନିହାତି ଦରକାର l କରୋନା ଭୂତାଣୁର କଥା ଅତି ଗୁରୁତ୍ୱପୂର୍ଣ୍ଣ l
ଡା. ଦୀପକ ଭଟ୍ଟାଚାର୍ଯ୍ୟ
-ଭୁବନେଶ୍ବର
ମୋ : ୮୬୫୮୨୪୮୬୦୬
