ନୂଆଦିଲ୍ଲୀ: କପୁର ପରିବାରର ଝିଅ, ନଓ୍ବାବ୍ ପରିବାରର ବୋହୂ ତଥା ବଲିଉଡ୍ ଅଭିନେତ୍ରୀ କରୀନା କପୁର ଖାନ୍ ଜମିରେ ମାଟି ଖୋଳୁଛନ୍ତି। ଶୁଣିଲେ ଆଶ୍ଚର୍ଯ୍ୟ ଲାଗୁଥିଲେ ବି ଏହା ସତ। ଦର୍ଶକେ କରୀନାଙ୍କୁ ରେଡ୍ କାର୍ପେଟ୍ ବା ସିଲଭର୍ ସ୍କ୍ରିନ୍ରେ ଦେଖିଥିବେ। କିନ୍ତୁ ପ୍ରଥମ ଥର ପାଇଁ ତାଙ୍କୁ ରିୟଲ ଲାଇଫ୍ରେ ଜମିରେ କାମ କରୁଥିବା ଦେଖିବାକୁ ମିଳିଛି। ପ୍ରକୃତରେ କରୀନା ଆଜିକାଲି ସାମାଜିକ ସମ୍ପର୍କ ସୁଦୃଢ଼ କରିବାରେ ଲାଗିପଡ଼ିଛନ୍ତି ବୋଲି ଶୁଣିବାକୁ ମିଳିଛି। ଏହାସହ ସେ ନାରୀ ପରିବେଶ ସୁରକ୍ଷା, ସଶକ୍ତୀକରଣ ଓ ବାଲ୍ୟାଧିକାର ସହ ଜଡ଼ିତ ବିଭିନ୍ନ କାର୍ଯ୍ୟକ୍ରମରେ ମଧ୍ୟ ନିଜକୁ ସାମିଲ କରୁଛନ୍ତି। ଏହିକ୍ରମରେ ତାଙ୍କର ଏକ ଜିଆଇଏଫ୍ ଭିଡିଓ ସୋସିଆଲ ମିଡିଆ ମାଧ୍ୟମରେ ସାମ୍ନାକୁ ଆସିଛି, ଯେଉଁଥିରେ ସେ ଜମିରେ ମାଟି ଖୋଳୁଥିବା ଦେଖିବାକୁ ମିଳିଛି। କରୀନାଙ୍କ ଏହି ଭିଡିଓରେ ଲୋକପ୍ରିୟ ୟୁଟ୍ୟୁବ୍ ଷ୍ଟାର୍ ପ୍ରାଜକ୍ତା କୋଲିଙ୍କୁ ମଧ୍ୟ ଦେଖିବାକୁ ମିଳିଛି। ସୂତ୍ର ଅନୁସାରେ ଏକ ବୃକ୍ଷରୋପଣ ଅଭିଯାନରେ ନିଜକୁ ସାମିଲ କରି ଉଭୟ ଗଛ ଲଗାଇବାରେ ସହାୟତା କରିବାକୁ ଜମିରେ ମାଟି ଖୋଳିଥିଲେ। ତେବେ କରୀନାଙ୍କ ଏହି ବିଚାରଧାରାକୁ ଫ୍ୟାନ୍ସ ଖୁବ୍ ପସନ୍ଦ କରିଛନ୍ତି। ପୂର୍ବରୁ ମଧ୍ୟ ସେ ୟୁନିସେଫ୍ ସହ ହାତ ମିଳାଇ ସାମାଜିକ ଉତ୍ଥାନ ଦିଗରେ ଅନେକ କାର୍ଯ୍ୟ କରିଛନ୍ତି। ଅନ୍ୟପକ୍ଷରେ ଖୁବ୍ଶୀଘ୍ର କରୀନାଙ୍କୁ ‘ଗୁଡ୍ ନ୍ୟୁଜ୍’ ଫିଲ୍ମରେ ଦେଖିବାକୁ ମିଳିବ। ଫିଲ୍ମରେ ଦୀଲ୍ଜିତ୍ ଦୋସାଞ୍ଝଙ୍କ ସହ ସେ ମୁଖ୍ୟ ଭୂମିକାରେ ନଜରକୁ ଆସିବେ।
