ବେଗୁନିଆପଡ଼ା,୯ା୭(ଡି.ଏନ.ଏ.): ବେଗୁନିଆପଡ଼ା ବ୍ଲକ ଅନ୍ତର୍ଗତ ଏସ. ଛଚିନା ପଞ୍ଚାୟତ ମାଗୁରାଣି ଚାଞ୍ଚରା ଗ୍ରାମରେ ଛେଳି ଓ ମେଣ୍ଢା ମଡ଼କ ଦେଖାଦେଇଛି। ଗତ ସପ୍ତାହକ ମଧ୍ୟରେ ଗ୍ରାମର ଡି. ଯୋଗୀ ପାତ୍ର, କେ. ତାରିଣୀ ପାତ୍ର, ଏ. ସୁରେଶ ପାତ୍ର, ଏ. ରାମ ପାତ୍ର, ଏମ. କୃଷ୍ଣ ପାତ୍ର ଓ ଜେ. କୃଷ୍ଣ ପାତ୍ରଙ୍କ ମୋଟ ୨୧ ଛେଳି, ମେଣ୍ଢା ମୃତ୍ୟୁ ଘଟିଥିବା ବେଳେ ଏକ ଅଜଣା ରୋଗରେ ଶତାଧିକ ଆକ୍ରାନ୍ତ ହୋଇଛନ୍ତି। ତେଣୁ ଚିନ୍ତାରେ ଅଛନ୍ତି ଛେଳି ଚାଷୀ। ପ୍ରକାଶଥାଉକ,ି ଏହି ଗ୍ରାମରେ ଅଧିକାଂଶ ଗୋଲା ସମ୍ପ୍ରଦାୟର ଲୋକେ ଛେଳି ଓ ମେଣ୍ଢା ପାଳନ ଉପରେ ନିର୍ଭର କରିଥାନ୍ତି। କୋଦଳା ପ୍ରାଣୀ ନିରୀକ୍ଷକ ପ୍ରଭୁଦତ୍ତ ପତି, ଅନ୍ୟ କର୍ମଚାରୀମାନଙ୍କ ସହ ମାଗୁରାଣି ଚାଞ୍ଚରା ଗ୍ରାମକୁ ଯାଇ ଛେଳି, ମେଣ୍ଢାଙ୍କ ପ୍ରାଥମିକ ଚିକିତ୍ସା କରିଥିବା କହିଛନ୍ତି। ପୁଣି ସେଠାକୁ ଯାଇ ସ୍ଥିତି ଅନୁଧ୍ୟାନ କରିବେ ବୋଲି ସୂଚନା ଦେଇଥିଲେ।
