କେଗାଁ, ୧୦ା୫(ଡିଏନଏ): କରୋନା ପାଇଁ ପ୍ରବାସୀ ଶ୍ରମିକ ଘରମୁହାଁ ହୋଇଛନ୍ତି। ରବିବାର କଳାହାଣ୍ଡି ଜିଲା ଗୋଲାମୁଣ୍ଡା ବ୍ଲକକୁ ମହାରାଷ୍ଟ୍ରରୁ ୧୭ ଶ୍ରମିକ ଏକ ପିକଅପ ଭ୍ୟାନ ଯୋଗେ ଆସିଛନ୍ତି। ସେମାନେ ମୁମ୍ବାଇରୁ ଚାଲି ଚାଲି ନାଗପୁର ପର୍ଯ୍ୟନ୍ତ ଆସିବା ପରେ ପୋଲିସ ପ୍ରଶାସନ ଅନୁମତି ମାଗି ଏକ ପିକଅପ ଭଡା କରି ରାୟପୁର ଦେଇ ଖରିଆରୋଡରେ ପହଞ୍ଚତ୍ ଥିଲେ । ସେଠାରେ କାଗଜପତ୍ର ତନଖି ପରେ ସେମାନଙ୍କୁ ଓଡିଶା ସୀମାକୁ ଆସିବାକୁ ଅନୁମତି ଦିଆଯାଇଥିଲା । ପରେ ଉକ୍ତ ଶ୍ରମିକମାନେ ଗୋଲାମୁଣ୍ଡା ବ୍ଲକ କେଗାଁଠାରେ ପହଞ୍ଚତ୍ବା ପରେ ବିଡିଓ ସ୍ନିଗ୍ଧାରାଣୀ ପ୍ରଧାନଙ୍କ ଉପସ୍ଥିତିରେ କେଗାଁ ପଞ୍ଚାୟତ ଅଧିନ ସାନଚେରଗାଁ ମହାବିଦ୍ୟାଳୟ ପରିସରରେ ହୋଇଥିବା ଅସ୍ଥାୟୀ ସ୍ବାସ୍ଥ୍ୟ ଶିବିରରେ କ୍ୱାରାଣ୍ଟାଇନରେ ରଖାଯାଇଛି। ସମସ୍ତ ଶ୍ରମିକ ଗୋଲାମୁଣ୍ଡା ବ୍ଲକର ଜାମଝରନ, ଅମଠା ଓ ବାଗବାହାଲ ଗ୍ରାମର ବୋଲି ଜଣାପଡିଛି ।
