ନୂଆଦିଲ୍ଲୀ,୭।୧୦: ଭାରତ ଆମେରିକାଠାରୁ ୧୪୫ଟି ଏମ୍-୭୭୭ ତୋପ କିଣିବ। ଏହି ତୋପକୁ ଭାରତ-ଚାଇନା ସୀମା ଜଗିବା କାର୍ଯ୍ୟରେ ମୁତୟନ କରାଯିବ। ୨୦୧୯ ଶେଷ ସୁଦ୍ଧା ଏହି ତୋପ ଭାରତକୁ ମିଳିଯିବ ବୋଲି କୁହାଯାଉଛି। ଏହାଦ୍ୱାରା ଭାରତୀୟ ସେନାର ଶକ୍ତିରେ ବୃଦ୍ଧି ଘଟିବ। ଏହି ତୋପକୁ ଅରୁଣାଚଳପ୍ରଦେଶର ସମ୍ବେଦନଶୀଳ ଅଞ୍ଚଳ ତଓ୍ବାଙ୍ଗ, କାମେଙ୍ଗ୍ ଏବଂ ବାଲୋଙ୍ଗ୍ରେ ମୁତୟନ କରାଯିବାର ଯୋଜନା ରହିଛି। ଏହି ତୋପ ଯୋଗାଇ ଦେବାକୁ ୨୦୧୬ ନଭେମ୍ବରରେ ଭାରତ ଏବଂ ଆମେରିକା ମଧ୍ୟରେ ଚୁକ୍ତି ହୋଇଥିଲା। ୨୫ଟି ତୋପ ସମ୍ପୂର୍ଣ୍ଣ ଭାବେ ନିର୍ମାଣ କରାଯାଇ ଭାରତକୁ ଆମେରିକା ଦେବ। ତେବେ ଅବଶିଷ୍ଟ ୧୨୦ ତୋପ ଆସେମ୍ବ୍ଲି କରାଯାଇ ଯୋଗାଇ ଦିଆଯିବ। ଏନେଇ ମହିନ୍ଦ୍ରା ସହିତ ବୁଝାମଣା କରାଯାଇଛି। ଆମେରିକା ସୈନ୍ୟ ଆଫଗାନିସ୍ତାନ ଏବଂ ଇରାକ୍ ଯୁଦ୍ଧରେ ଏହି ତୋପର ବ୍ୟବହାର କରିଥିଲେ।
