ନୂଆଦିଲ୍ଲୀ,୨।୬: ଭାରତରେ ୫-ଜି ସୁବିଧା ମିଳିବାରେ ବିଳମ୍ବ ହେବାର ସମ୍ଭାବନା ରହିଛି। ଦେଶରେ ମୋବାଇଲ୍ ଇନଫ୍ରାଷ୍ଟକଚର କାର୍ଯ୍ୟ ଧୀରେ ଧୀରେ ହେଉଥିବାରୁ ୨୦୨୦ ସୁଦ୍ଧା ମଧ୍ୟ ଭାରତରେ ୫-ଜି ସୁବିଧା ମିଳି ପାରିବ ନାହିଁ ବୋଲି କୁହାଯାଉଛି। ମୋଦି ସରକାର ଶୀଘ୍ର ଏହି ସୁବିଧା ଉପଲବ୍ଧ ପାଇଁ ଯୋଜନାକରୁଥିବାବେଳେ ଆଇଡିଆ-ଭୋଡ଼ାଫୋନ୍ ତଥ। ଭାରତୀ ଏୟାରଟେଲ୍ ଅତ୍ୟଧିକ ଋଣ ବୋଝ ଯୋଗୁ କମ୍ ନେଟଓ୍ବାର୍କରେ ନିବେଶ କରିଛନ୍ତି। ୫-ଜି ସୁବିଧାକୁ ସଫଳ କରିବା ପାଇଁ ଫାଇବର, ଛୋଟ ସେଲ୍ ଏବଂ ମୋବାଇଲ୍ ଟାଓ୍ବାରରେ ଅଧିକ ନିବେଶ କରିବାର ଆବଶ୍ୟକତା ରହିଛି। ଏହାଦ୍ୱାରା ୨୦୨୨ ସୁଦ୍ଧା ଫାଇବର ଲାଇନ ୫ ଗୁଣା ବଢ଼ାଇ ୭.୫ ନିୟୁତ କରିବା ଆବଶ୍ୟକ। ଆଇସିଆର୍ଏ ଅନୁସାରେ ହାଇ ସ୍ପିଡ୍ ପାଇଁ ୬୦ ପ୍ରତିଶତ ଟାଓ୍ବାରକୁ ଫାଇବର କରାଇବା ଜରୁରୀ। ସମ୍ପ୍ରତି ଭାରତରେ ୫ ଲକ୍ଷ ଟାଓ୍ବାର ରହିଛି। ସେଥିମଧ୍ୟରୁ ୨୨ ପ୍ରତିଶତ ଫାଇବରଯୁକ୍ତ। ଅପରପକ୍ଷରେ ଚାଇନାରେ ୮୦ ପ୍ରତିଶତ ଫାଇବର ଟାଓ୍ବାର ରହିଛି।
