ବ୍ୟାଙ୍କରେ ଗଣ୍ଡଗୋଳ ନେଇ ଥାନାରେ ମାମଲା
7:33 amApril 24, 2020 / 21

ବାହାନଗା, ୨୪ା୪(ଡି.ଏନ.ଏ.)-କରୋନା ଭୂତାଣୁ ସଂକ୍ରମଣ ରୋକିବା ପାଇଁ କେନ୍ଦ୍ର ଓ ରାଜ୍ୟ ସରକାର ଲକ୍‌ଡାଉନ୍‌ କରି ଲୋକମାନଙ୍କୁ ଘରେ ରହିବା ପାଇଁ ନିବେଦନ କରୁଛନ୍ତି। ତେବେ ଆବଶ୍ୟକ ନ ଥିଲେ ବାହାରକୁ ନ ବାହାରିବା ପାଇଁ ପରାମର୍ଶ ଦିଆଯାଉଛି। ବିଭିନ୍ନ ସରକାରୀ ଅଫିସରେ କାମ ଚଳାଇବା ପାଇଁ ଆବଶ୍ୟକଠାରୁ ଅଳ୍ପ କର୍ମଚାରୀଙ୍କ ଦ୍ୱାରା କାର୍ଯ୍ୟ ହେଉଛି ା ବ୍ୟାଙ୍କଗଡିକ ମଧ୍ୟ ସେଥିରୁ ବାଦ୍‌ ପଡିନାହାନ୍ତି ା ନିହାତି ଆବଶ୍ୟକ କାମ ବ୍ୟାଙ୍କ ମାଧ୍ୟମରେ କରାଯାଉଛି। ବାଲେଶ୍ୱର ଜିଲା ବାହାନଗା ବ୍ଲକ ଏକ ପଞ୍ଚାୟତର ପାସବୁକ୍‌ ଅପଡେଟ୍‌ କରିବା ନେଇ ମଙ୍ଗଳବାର ଅପରାହ୍ନରେ ଗୋପାଳପୁର ୟୁକୋ ବ୍ୟାଙ୍କରେ ଗଣ୍ଡଗୋଳ ହୋଇଥିଲା। ପଣ୍ଡାଶୁଣି ପଞ୍ଚାୟତର ପରୀକ୍ଷିତ ମାଝି ନାମକ ବ୍ୟକ୍ତି ମ୍ୟାନେଜର ଓ ଆସିଷ୍ଟାଣ୍ଟ ମ୍ୟାନେଜରଙ୍କ ନାମରେ ଗୋପାଳପୁର ଫାଣ୍ଡିରେ ପାଲଟା ଅଭିଯୋଗ କରିବା ପରେ ଖନ୍ତାପଡା ଥାନାରେ ଏକ ମାମଲା (ନଂ.୧୩୭/୨୦) ରୁଜୁ ହୋଇଛି ା ଗୋପାଳପୁର ୟୁକୋ ବ୍ୟାଙ୍କର ଆସିଷ୍ଟାଣ୍ଟ ମ୍ୟାନେଜର ସବିତା ହାସଁଦାଙ୍କ ପାଲଟା ଅଭିଯୋଗକ୍ରମେ ଥାନାରେ ୭ଜଣଙ୍କ ନାମରେ ଏକ ମାମଲା (ନଂ. ୧୩୮/୨୦) ରୁଜୁ କରଯାଇଛି। ଉକ୍ତ ଅଭିଯୋଗରେ ବ୍ୟାଙ୍କର ମହିଳ ଅଧିକାରୀଙ୍କୁ ଜାତି ଉଠାଇ ଗାଳିଗୁଲଜ କରାଯାଇଥିବା ଦର୍ଶାଯାଇଛି।
କେନ୍ଦ୍ର ସରକାର ଜନଧନ ଯୋଜନାରେ ମହିଳାମାନଙ୍କ ଆକାଉଣ୍ଟକୁ ଟଙ୍କା ପଠାଉଥିବା ବେଳେ ତାହାକୁ ଉଠାଇବା ପାଇଁ ୟୁକୋ ବ୍ୟାଙ୍କରେ ନାହିଁ ନ ଥିବା ଗହଳି ହେଉଛି ା ଫଳରେ ବ୍ୟାଙ୍କରେ ଟଙ୍କା ଉଠା, ଟଙ୍କା ଡିପୋଜିଟ୍‌ ଆଦି କାମ କରାଯାଉଛି। କର୍ମଚାରୀ କମ୍‌ ଆସୁଥିବାରୁ ପାସ୍‌ବୁକ୍‌ ଅପଡେଟ କରାଯାଉନାହିଁ ା ତେବେ ପଣ୍ଡାଶୁଣି ପଞ୍ଚାୟତ ତରଫରୁ ପରୀକ୍ଷିତ ମାଝୀ ପଞ୍ଚାୟତ ପାସ୍‌ବୁକ୍‌ ଅପଡେଟ କରିବା ପାଇଁ ଆସିଥିଲେ ମଧ୍ୟ ବ୍ୟାଙ୍କର ଅତିରିକ୍ତ ଶାଖା ପରିଚାଳକ ନ କରିବାରୁ ଏହାକୁ ନେଇ ଗଣ୍ଡଗୋଳ ସୂତ୍ରପାତ ହୋଇଥିଲା ା