ଲସ୍ଏଞ୍ଜେଲ୍ସ, ୧୩ା୪ (ଏଏଫ୍ପି): ପୂର୍ବତନ ବେସ୍ବଲ ତାରକା ତଥା ଚିକାଗୋ କବ୍ସ ଇନ୍ଫିଲ୍ଡର ଗ୍ଲେନ ବେକେର୍ଟ ରବିବାର ୭୯ ବର୍ଷ ବୟସରେ ମୃତ୍ୟୁବରଣ କରିଛନ୍ତି। ୧୯୬୫ରୁ ୧୯୭୩ ମଧ୍ୟରେ ସେ ସେକେଣ୍ଡ ବେସ୍ ହିସାବରେ କବ୍ସ ତରଫରୁ ଖେଳିଥିଲେ। ଏହାପରେ ଅବସର ନେବା ପୂର୍ବରୁ ସେ ସାନ ଡିଏଗୋ ପାଡ୍ରେସ୍ ତରଫରୁ ଖେଳି ବେଶ୍ ସଫଳତା ହାସଲ କରିଥିଲେ।
ଜଣେ ମହାନ୍ ଖେଳାଳିଙ୍କୁ ଆମେ ହରାଇଲୁ। ସେ ମୋର ବନ୍ଧୁ, କ୍ଲବ ମେଟ୍ ଥିଲେ। ତାଙ୍କୁ ଆମେ ସବୁବେଳେ ମିସ୍ କରିବ ବୋଲି ଏକ୍ସ-ପିଚର ଫର୍ଗୁଶନ ଜେନ୍କିନ୍ସ ଟୁଇଟରରେ ଉଲ୍ଲେଖ କରିଛନ୍ତି। ବେକେର୍ଟ କ୍ୟାରିୟରରେ ୧, ୩୨୦ଟି ଗେମ୍ ଖେଳିଛନ୍ତି। ୧୯୬୮ରେ ସେ ନ୍ୟାଶନାଲ ଲିଗ୍ ଏମ୍ଭିପି ଭୋଟିଂରେ ନବମ ସ୍ଥାନରେ ରହି ଅଭିଯାନ ଶେଷ କରିଥିଲେ ଓ ୯୮ ରନ ସ୍କୋର କରି ମେଜର ଲିଗ୍ସରେ ସବୁଠାରୁ ଆଗରେ ରହିଥିଲେ।
