ଭୁବନେଶ୍ୱର,୨୧।୧୦:ଦେଶର ପ୍ରମୁଖ ଆଲୁମିନିୟମ ଉପତ୍ାଦକ କମ୍ପାନୀ ବେଦାନ୍ତ ଆଲୁମିନିୟମ ପକ୍ଷରୁ ଏକ ମୋବାଇଲ ହେଲ୍ଥ ୟୁନିଟ୍(ଏମ୍ଏଚ୍ୟୁ)ର ଶୁଭାରମ୍ଭ କରାଯାଇଛି। ବିଶେଷକରି ଏହି ଏମ୍ଏଚ୍ୟୁ ବା ଭ୍ରାମ୍ୟମାଣ ସ୍ବାସ୍ଥ୍ୟ ୟୁନିଟ୍ ସ୍ବତନ୍ତ୍ର ଭାବେ ସୁନ୍ଦରଗଡ଼ ଜିଲାର ଦୂରବର୍ତ୍ତୀ ଅଞ୍ଚଳଗୁଡ଼ିକର ଲୋକମାନଙ୍କ ସେବାରେ ନିୟୋଜିତ ରହିବ। ଏପରିକି ଲୋକଙ୍କ ଦ୍ୱାରଦେଶରେ ସ୍ବାସ୍ଥ୍ୟସେବା ଉପଲବ୍ଧ କରାଇବା ପାଇଁ କମ୍ପାନୀ ଏଭଳି ଏକ ୟୁନିଟ୍ର ଶୁଭାରମ୍ଭ କରିଛି। ସେହିଭଳି କମ୍ପାନୀର କହିବା ଅନୁଯାୟୀ ନିକଟରେ ସୁନ୍ଦରଗଡ଼ ଜିଲାର ଝରପଲମ ଗ୍ରାମରେ ମଧ୍ୟ ଏକ ମୋଗ ସ୍ବାସ୍ଥ୍ୟ ଶିବିର ଆୟୋଜନ କରାଯାଇଥିଲା। ଏଠାକୁ ଅନ୍ୟାନ୍ୟ ଅଞ୍ଚଳର ଲୋକମାନେ ମଧ୍ୟ ଆବଶ୍ୟକ ସ୍ବାସ୍ଥ୍ୟସେବା ପାଇବାକୁ ଆସିଥିଲେ। ଏପରିକି ଅଭିଜ୍ଞ ଡାକ୍ତରୀ ଟିମ୍ଙ୍କ ଦ୍ୱାରା ଲୋକମାନଙ୍କୁ ଉପଯୁକ୍ତ ସ୍ବାସ୍ଥ୍ୟସେବା ଯୋଗାଇ ଦିଆଯାଇଥିଲା। ଅପରପକ୍ଷରେ କମ୍ପାନୀର କର୍ମଚାରୀମାନେ ମଧ୍ୟ ସ୍ବେଚ୍ଛାକୃତ ଭାବେ ଉକ୍ତ ଶିବିରରେ ଯୋଗଦେଇ ସ୍ବାସ୍ଥ୍ୟଭିତ୍ତିକ କାର୍ଯ୍ୟକ୍ରମକୁ ସଫଳ କରାଇଥିଲେ। ଏହି ଭ୍ରାମ୍ୟମାଣ ସ୍ବାସ୍ଥ୍ୟ ୟୁନିଟ୍ ମାଧ୍ୟମରେ ବେଦାନ୍ତ ଆଲୁମିନିୟମ ସୁନ୍ଦରଗଡ଼ ଜିଲାର ଏକାଧିକ ଗାଁରେ ପହଞ୍ଚି ଲୋକଙ୍କୁ ଗୁଣାତ୍ମକ ମାନର ସ୍ବାସ୍ଥ୍ୟସେବା ପ୍ରଦାନ କରିଥିଲା। ପ୍ରାଥମିକ ଚିକିତ୍ସା ପରାମର୍ଶ, ରକ୍ତ ପରୀକ୍ଷା, ରକ୍ତଚାପ ଅନୁଧ୍ୟାନ, ସାଧାରଣ ରୋଗ ପାଇଁ ପରୀକ୍ଷା ଓ ପରାମର୍ଶ ଭଳି ଅନେକ ପ୍ରାଥମିକ ଚିକିତ୍ସା ଏଥିରେ ପ୍ରଦାନ କରାଯାଇଥିଲା। ଏ ସମ୍ପର୍କରେ ବେଦାନ୍ତ ଆଲୁମିନିୟମର ସିଇଓ (ମାଇନ୍ସ) ଭି. ଶ୍ରୀକାନ୍ତ କହିଛନ୍ତି, ସ୍ଥାନୀୟ ବାସିନ୍ଦାଙ୍କୁ ଉତ୍ତମ ସ୍ବାସ୍ଥ୍ୟ ଓ ସୁସ୍ଥତାର ସ୍ଥାୟୀ ବିକାଶ ପାଇଁ ବେଦାନ୍ତ ଆଲୁମିନିୟମ ପ୍ରତିବଦ୍ଧ ରହିଛି। ଆମର ସାମୂହିକ କାର୍ଯ୍ୟକ୍ରମକୁ ଅଧିକ ସୁଦୃଢ କରିବା ଲାଗି ଆମ ପ୍ରୟାସରେ ଏହା ପ୍ରତିଫଳିତ ହୋଇଛି। ଆମର ଭ୍ରାମ୍ୟମାଣ ସ୍ବାସ୍ଥ୍ୟ ୟୁନିଟ୍ ଓ ସ୍ବାସ୍ଥ୍ୟ ଶିବିର ପରି ଫୋକସ ହସ୍ତକ୍ଷେପ ମାଧ୍ୟମରେ ଆମେ ଗ୍ରାମୀଣ ଗୋଷ୍ଠୀର ଗୁଣାତ୍ମକ ସ୍ବାସ୍ଥ୍ୟସେବାକୁ ସେମାନଙ୍କ ଦ୍ୱାରଦେଶରେ ପହଞ୍ଚାଇବାରେ ସାହାଯ୍ୟ କରୁଛୁ।
