ମୁମ୍ବାଇ: ୯୦ ଦଶକର ପ୍ରସିଦ୍ଧ ଟିଭି ଅଭିନେତା ଅଲି ମର୍ଚାଣ୍ଟ ତାଙ୍କ ବୃତ୍ତିଗତ ଜୀବନ ଅପେକ୍ଷା ବ୍ୟକ୍ତିଗତ ଜୀବନ ପାଇଁ ଆଜିକାଲି ପୁଣିଥରେ ଚର୍ଚ୍ଚାରେ ରହିଛନ୍ତି। ନିକଟରେ ଅଭିନେତା ତାଙ୍କ ନୂଆ ପ୍ରେମ ବିଷୟରେ ପ୍ରକାଶ କରିଛନ୍ତି।
ଅଲି ଏବେ ତାଙ୍କ ଗର୍ଲଫ୍ରେଣ୍ଡ ଆଣ୍ଡଲିବ୍ ଜୈଦୀଙ୍କ ସହ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି। ଅଲି ଏକ ଭିଡିଓ ଶେୟାର କରିଛନ୍ତି। ଯେଉଁଥିରେ ସେ ତାଙ୍କ ଗର୍ଲଫ୍ରେଣ୍ଡଙ୍କୁ ପ୍ରପୋଜ କରୁଥିବାର ନଜର ଆସିଛନ୍ତି।
ଅଲି ବୁଧବାର ତାଙ୍କ ଇନ୍ଷ୍ଟାଗ୍ରାମରେ ଗର୍ଲଫ୍ରେଣ୍ଡ ଆଣ୍ଡଲିବ୍ଙ୍କ ସହ ଏକ ଭିଡିଓ ଶେୟାର କରିଛନ୍ତି। ଏହି ଭିଡିଓରେ ଅଲି ତାଙ୍କ ଲେଡି ଲଭ୍ଙ୍କୁ ପ୍ରସ୍ତାବ ଦେଉଥିବାର ନଜର ଆସିଛନ୍ତି। ବୁର୍ଜ ଖଲିଫା ନିକଟ ଦୁବାଇର ସୁନ୍ଦର ସ୍ଥାନରେ ଏହି ଅଭିନେତା ତାଙ୍କ ପ୍ରେମିକାଙ୍କୁ ଏକ ବିଶେଷ ଢଙ୍ଗରେ ପ୍ରପୋଜ କରିଛନ୍ତି। ସେ ଏକ ଡଙ୍ଗାରେ ତାଙ୍କ ପ୍ରେମିକାଙ୍କୁ ରିଙ୍ଗ ଦେଉଥିବାର ନଜର ଆସିଛନ୍ତି। ଭିଡିଓରେ କ୍ୟାପଶନ ଲେଖାଯାଇଛି, ସେ ହଁ କହିଛନ୍ତି।
କହିରଖୁଛୁ, ଅଲି ପୂର୍ବରୁ ଦୁଇଥର ବିବାହ କରିଛନ୍ତି। ତେବେ ଏହି ଦୁଇ ବିବାହ ଅଧିକ ଦିନ ରହିଲା ନାହିଁ ଏବଂ ଛାଡ଼ପତ୍ରରେ ଶେଷ ହେଲା। ତାଙ୍କର ପ୍ରଥମ ବିବାହ ବିଗ୍ବସ୍ ଘରେ ସାରା ଖାନ୍ଙ୍କ ସହ ହୋଇଥିଲା। ଶୋ’ରୁ ବାହାରିବା ପରେ ଦୁହେଁ ପୂରା ରୀତିନୀତି ସହିତ ବିବାହ କରିଥିଲେ। କିନ୍ତୁ ଦୁଇ ମାସ ପରେ ଉଭୟଙ୍କ ମଧ୍ୟରେ ଛାଡ଼ପତ୍ର ହୋଇଯାଇଥିଲା। ଏହା ପରେ ୨୦୧୬ରେ ଅଲି ଅନମ ମର୍ଚାଣ୍ଟଙ୍କୁ ବିବାହ କରିଥିଲେ, ଏହା ମଧ୍ୟ ବେଶି ଦିନ ରହିଲା ନାହିଁ ଏବଂ ୨୦୨୧ରେ ଉଭୟଙ୍କର ଛାଡ଼ପତ୍ର ହୋଇଥିଲା।
