ଭାରତୀୟ କ୍ରିକେଟ ଖେଳାଳିଙ୍କ ପ୍ରେମ କାହାଣୀକୁ ନେଇ ସର୍ବଦା ଚର୍ଚ୍ଚା ଉଠିଥାଏ। କିଏ କାହା ସହ ଡେଟିଂରେ ଗଲେ, କିଏ କାହାକୁ ନେଇ ବୁଲିଲେ ତାକୁ ନେଇ ଗଣମାଧ୍ୟମରେ ବେଶ୍ ଆଲୋଚନା ମଧ୍ୟ ହୋଇଥାଏ। କିନ୍ତୁ ଏମିତି କିଛି କ୍ରିକେଟର ଅଛନ୍ତି ଯେଉଁମାନେ ଜଣେ ବିବାହିତ ମହିଳାଙ୍କୁ ବିବାହ କରିଛନ୍ତି। ଆସନ୍ତୁ ଜାଣିବା ସେହି କ୍ରିକେଟରଙ୍କ ସମ୍ପର୍କରେ…
ଅନିଲ କୁମ୍ବଲେ
ଭାରତର କିମ୍ବଦନ୍ତୀ ସ୍ପିନର୍ ଜଣେ ବିବାହିତ ମହିଳାଙ୍କ ପ୍ରେମରେ ପଡି ତାଙ୍କୁ ବିବାହ କରିବା ପାଇଁ ଜିଦ୍ ଧରିଥିଲେ। ଅନିଲ ବିବାହ କରିଥିବା ମହିଳା ହେଲେ ଚେଥନା ରାମଥିରଥା। ଚେଥନା ଜଣେ ବିବାହିତା ମହିଳା। ତାଙ୍କର ଜଣେ ଝିଅ ମଧ୍ୟ ଅଛି । ଏସବୁ ଜାଣିବା ସତ୍ତ୍ୱେ ଅନିଲ ତାଙ୍କୁ ବିବାହ କରିବାକୁ ପାଗଳ ହୋଇଯାଇଥିଲେ। ତାଙ୍କ ପରିବାର ରାଜି ହୋଇ ନ ଥିଲେ ମଧ୍ୟ ସେ ଲୁଚିକି ବିବାହ କରିଥିଲେ।
ଭେଙ୍କଟେଶ ପ୍ରସାଦ
ଭାରତର ପୂର୍ବତନ ଦ୍ରୁତ ବୋଲର ଭେଙ୍କଟେଶ ପ୍ରସାଦ ଜଣେ ବିବାହିତ ମହିଳାଙ୍କୁ ବିବାହ କରିଛନ୍ତି। ଜୟନ୍ତି ନାମକ ଜଣେ ମହିଳାଙ୍କ ସହ ଭେଙ୍କଟେଶଙ୍କର ଦେଖା ହେବା ପରେ ଉଭୟ ପରସ୍ପରକୁ ଢେର ଦିନ ଡେଟ କରିଥିଲେ। ଶେଷରେ ୧୯୯୬ ଏପ୍ରିଲ ୨୨ ତାରିଖରେ ଏ ଦୁହେଁ ବିବାହ କରିଥିଲେ।
ମୁର୍ଲୀ ବିଜୟ
ଭାରତୀୟ ଦଳର ବ୍ୟାଟ୍ସମ୍ୟାନ ମୁର୍ଲୀ ବିଜୟ ସାଥୀ ଖେଳାଳି ଦିନେଶ କାର୍ତ୍ତିକଙ୍କ ସ୍ତ୍ରୀ ନିକିତାଙ୍କ ପ୍ରେମରେ ପଡିଥିଲେ। ଏନେଇ ବହୁ ବାଦବିବାଦ ମଧ୍ୟ ଦେଖାଯାଇଥିଲା। ଉଭୟ ପଡିଆରେ ଏକାଠି ଖେଳୁଥିଲେ ମଧ୍ୟ କଥାବାର୍ତ୍ତା ହେଉ ନ ଥିଲେ। ନିକିତା ଓ ମୁର୍ଲୀଙ୍କ ବନ୍ଧୁତା କେତେବେଳେ ପ୍ରେମରେ ପରିଣତ ହୋଇଯାଇଥିଲା, ସେମାନେ ଜାଣି ପାରି ନ ଥିଲେ। ପରେ ଦିନେଶ ଓ ନିକିତାଙ୍କ ଛାଡପତ୍ର ହୋଇଥିଲା ଏବଂ ମୁର୍ଲୀ ଓ ନିକିତା ବିବାହ କରିଥିଲେ। ଯେଉଁ ସମୟରେ ନିକିତା ଓ ମୁର୍ଲୀଙ୍କ ବିବାହ ହୋଇଥିଲା, ସେହି ସମୟରେ ନିକିତା ଗର୍ଭବତୀ ଥିଲେ। ସେ ଦିନେଶ କାର୍ତ୍ତିକଙ୍କ ପିଲାର ମା’ ହେବା ପାଇଁ ଯାଉଥିଲେ। ବିବାହ ପରେ ମୁର୍ଲୀ ବିଜୟ ଉଭୟ ନିକିତା ଓ କାର୍ତ୍ତିକଙ୍କ ପିଲାକୁ ଆପଣାଇ ନେଇଥିଲେ।
ଶିଧର ଧାଓ୍ବନ
ଭାରତୀୟ କ୍ରିକେଟ ଦଳର ବାମହାତୀ ବ୍ୟାଟ୍ସମ୍ୟାନ ଶିଖର ଧାଓ୍ବନଙ୍କର ପ୍ରେମ କାହାଣୀ ବେଶ ନିଆରା। ସେ ନିଜଠାରୁ ୧୦ବର୍ଷ ବଡ ଜଣେ ବିବାହିତ ମହିଳାଙ୍କୁ ହୃଦୟ ଦେଇ ବସିଥିଲେ। ଧାଓ୍ବନଙ୍କ ପ୍ରେମ କାହାଣୀ ଫେସବୁକରୁ ଆରମ୍ଭ ହୋଇଥିଲା । ଶିଖର ଥରେ ହରଭଜନ ସିଂଙ୍କ ସହ ଫେସବୁକ ଦେଖୁଥିବାବେଳେ ତାଙ୍କ ଆଖି ଆୟେଶା ମୁଖାର୍ଜୀଙ୍କ ଉପରେ ପଡିଥିଲା। ତାପରେ ଶିଖର, ଆୟେଶାଙ୍କ ପ୍ରେମରେ ପଡିଯାଇଥିଲେ। ତାପରେ ସେ ଧିରେ ଧିରେ ଆୟେଶାଙ୍କ ସହ କଥା ହେବା ପରେ ତାଙ୍କୁ ବିବାହ କରିବାକୁ ଚାହାଁନ୍ତି ବୋଲି କହିଥିଲେ। ଶିଖର ବିବାହ ପୂର୍ବରୁ ଜାଣିଥିଲେ ଯେ ସେ ଜଣେ ବିବାହିତ ଓ ତାଙ୍କର ଦୁଇଟି ଝିଅ ମଧ୍ୟ ଅଛି। ପରେ ଦୁହିଁଙ୍କ ପ୍ରେମରେ ନିବିଡିତା ବଢିବା ପରେ ଉଭୟ ବିବାହ କରିଥିଲେ, ମାତ୍ର ଶିଖରଙ୍କ ପରିବାର ଆୟେଶାଙ୍କୁ ଗ୍ରହଣ କରିବାକୁ ରାଜି ନ ଥିଲେ। କିନ୍ତୁ ପରବର୍ତ୍ତୀ ସମୟରେ ପରିବାର ରାଜି ହେବା ପରେ ଦୁହେଁ ବିବାହ କରିଥିଲେ।
