ଝାରସୁଗୁଡ଼ା ଅଫିସ,୭ା୬: ଝାରସୁଗୁଡ଼ା ଜିଲା ବ୍ରଜରାଜନଗର ଅଞ୍ଚଳରେ ରବିବାର ଭୋର୍ ସମୟରେ ଏକ ମାଲବାହୀ ଟ୍ରେନ୍ର କିଛି ବଗି ବିନା ଇଞ୍ଜିନ୍ରେ ପ୍ରାୟ ୧ କିଲୋମିଟର ଗଡ଼ି ଯିବା ପରେ ଓଲଟି ପଡ଼ିଛି। ଏମ୍ସିଏଲ କୋଇଲା ଖଣିରେ ଏହି ଅଘଟଣ ଘଟିଛି।
ସୂଚନାନୁଯାୟୀ, ରବିବାର ଭୋର୍ରୁ ୬୦ ବଗି ବିଶିଷ୍ଟ କୋଇଲା ବୋଝେଇ ମାଲ୍ବାହୀ ଟ୍ରେନ୍ ବିନା ଇଞ୍ଜିନ୍ରେ ଏମ୍ସିଏଲ୍ କୋଇଲା ଖଣି ଅଞ୍ଚଳର ଲଜକୁରା କୋଲ୍ ସାଇଡିଂରୁ ବଗି ସବୁ ଗଡ଼ିଯାଇ ୧ କିଲୋମିଟର ଦୂର ଇବ୍ ପିଟ୍ ନିକଟରେ ଓଲଟି ପଡ଼ିଥିଲା। ଫଳରେ ୪ଟି ବଗି ଟ୍ରାକ୍ରୁ ତଳକୁ ଖସି ଯାଇଥିଲା। ୪ ଦିନ ତଳେ ଏହି ମାଲବାହୀ ଟ୍ରେନ୍ରେ କୋଇଲା ଲୋଡ୍ କରାଯାଇଥିଲା। ଏହି ଦୁର୍ଘଟଣା ଯୋଗୁ ଏମ୍ସିଏଲର ଆର୍ଥିକ କ୍ଷତି ହୋଇଥିବା ବେଳେ କୋଇଲା ପରିବହନରେ ସମସ୍ୟା ଉପୁଜିବାର ସମ୍ଭାବନା ରହିଛି। କର୍ତ୍ତୃପକ୍ଷ ଉପସ୍ଥିତ ରହି ଉଦ୍ଧାର କାର୍ଯ୍ୟ ଜାରି ରଖିଛନ୍ତି।
