ମାଲକାନଗିରି,୧୪।୭(ଡି.ଏନ୍.ଏ.): ମାଲକାନଗିରି ଜିଲା ରାସ୍ତାରେ କାଦୁଅ ଯୋଗୁ ଛାତ୍ରୀଛାତ୍ରମାନେ ବିଦ୍ୟାଳୟକୁ ଯିବା କଷ୍ଟକର ହୋଇପଡୁଛି। ଏହାର ପ୍ରତିବାଦରେ ବିଦ୍ୟାଳୟକୁ ଯାଉଥିବା ରାସ୍ତାରେ ଛାତ୍ରୀଛାତ୍ରମାନେ ଧାନଗଛ ଲଗାଇଛନ୍ତି। ଏଭଳି ଘଟଣା ଦେଖିବାକୁ ମିଳିଛି ଖଇରପୁଟ ବ୍ଲକ ମାଡ଼କାପଦର ବିଦ୍ୟାଳୟକୁ ଯାଉଥିବା ବନ୍ଧଗୁଡ଼ା, ଧଉଡାଗଡ଼ା, ବାଘଖଦରା ଗ୍ରାମରେ। ଏହିସବୁ ଗ୍ରାମର ଛାତ୍ରୀଛାତ୍ର ଶିକ୍ଷା ଗ୍ରହଣ କରିବା ପାଇଁ ଦୈନିକ ମାଡକାପଦର ବିଦ୍ୟାଳୟକୁ ଯାଇଥାନ୍ତି। ମାତ୍ର ଉକ୍ତ ରାସ୍ତାରେ ଅଳ୍ପ କିଛିଦିନ ପୂର୍ବରୁ ମୋରମ ପକାଯାଇ କାର୍ଯ୍ୟ ଆରମ୍ଭ ହୋଇଥିଲା। ତେବେ କାର୍ଯ୍ୟ ଶେଷ ହୋଇ ନ ଥିବା ବେଳେ ବର୍ଷା ଯୋଗୁ ଉକ୍ତ ରାସ୍ତାଟି ସମ୍ପୂର୍ଣ୍ଣ କାଦୁଅରେ ଭରପୂର ହୋଇଛିା ନିୟମିତ କାଦୁଅରେ ଅଧ୍ୟୟନ କରିବା ପାଇଁ ଯାଉଥିବା ଛାତ୍ରୀଛାତ୍ର ଅସୁବିଧାର ସମ୍ମୁଖୀନ ହେଉଛନ୍ତିା ଏହାର ପ୍ରତିବାଦରେ ଶନିବାର ୫୦ରୁ ଊର୍ଦ୍ଧ୍ୱ ଛାତ୍ରୀଛାତ୍ର ରାସ୍ତା ମଝିରେ ଧାନ ଗଛ ଲଗାଇ ଜିଲା ପ୍ରଶାସନ ଏ ଦିଗରେ ପଦକ୍ଷେପ ନେବାପାଇଁ ଦାବି କରିଛନ୍ତିା
