ବିଟ୍ରୁଟ୍ ମୋଦକ
ଆବଶ୍ୟକ ସାମଗ୍ରୀ: ୨ କପ୍ ବେସନ, ୨ ଟେବଲ୍ ସ୍ପୁନ୍ ରାଓ୍ବା/ସୁଜି, ୨ଟି ସିଝା ବିଟ୍ରୁଟ ପେଷ୍ଟ କିମ୍ବା ୧/୪ ଟିସ୍ପୁନ୍ ବିଟ୍ରୁଟ୍ କଲର, ୧.୫ କପ୍ ପାଣି, ଛାଣିବା ଲାଗି ଆବଶ୍ୟକ ତେଲ।
ସିରା ଲାଗି- ଏକ କପ୍ ଚିନି, ଅଧା କପ୍ ପାଣି, ୧/୪ ଗୁଜୁରାତି ପାଉଡର୍, ୧/୨ ଟିସ୍ପୁନ୍ ଲେମ୍ବୁ ରସ, ୨ ଟେବୁଲ୍ ସ୍ପୁନ୍ ଖଣ୍ଡ କାଜୁ।
ପ୍ରସ୍ତୁତି ପ୍ରଣାଳୀ: – ଏକ ପାତ୍ରରେ ୨ କପ୍ ବେସନ, ୨ ଟେବଲ୍ ସ୍ପୁନ୍ ରାଓ୍ବା/ସୁଜି, ୨ଟି ସିଝା ବିଟ୍ରୁଟ ପେଷ୍ଟ କିମ୍ବା ୧/୪ ଟିସ୍ପୁନ୍ ବିଟ୍ରୁଟ୍ କଲର, ୧.୫ କପ୍ ପାଣି ନେଇ ଭଲ ଭାବେ ମିଶାଇ ପେଷ୍ଟ ପ୍ରସ୍ତୁତ କରନ୍ତୁ। ଏହାକୁ ୩୦ ମିନିଟ୍ ଛାଡି ଦିଅନ୍ତୁ।
– ଚୁଲାରେ ତେଲ ଗରମ କରନ୍ତୁ। ପୂର୍ବ ପ୍ରସ୍ତୁତ ପେଷ୍ଟକୁ ଛୋଟ ଛୋଟ ଗୁଳା କରି ମୋଦକ ଛାଣନ୍ତୁ।
– ଛାଣିବା ପରେ ମୋଦକରୁ ତେଲ ଛାଡିବା ଲାଗି ପେପରରେ ରଖନ୍ତୁ।
– ଅନ୍ୟ ଏକ ପାତ୍ରରେ ପାଣିରେ ଚିନି ପାକଇ ଫୁଟାନ୍ତୁ। କିଛି ସମୟ ପରେ ସେଥିରେ ଲେମ୍ବୁରସ ଏବଂ ଗୁଜୁରାତି ଗୁଣ୍ଡ ପକାଇ ଗୋଳାନ୍ତୁ। ସିରା ବହଳିଆ ହୋଇଗଲେ ସେଥିରେ ପୂର୍ବରୁ ଛଣା ହୋଇ ରହିଥିବା ମୋଦକକୁ ପକାଇ ୨ମିନିଟ୍ ଫୁଟାଇବା ପରେ ଚୁଲା ବନ୍ଦ କରିଦିଅନ୍ତୁ। ସେହିପରି ୧୦ ମିନିଟ୍ ରହିବାକୁ ଦିଅନ୍ତୁ। ସେଥିରେ କାଜୁଗୁଣ୍ଡ ପକାନ୍ତୁ।
– ପ୍ରସ୍ତୁତ ହୋଇଗଲା ବିଟ୍ରୁଟ୍ ମୋଦକ। କିଛି ସମୟ ଫ୍ରିଜ୍ରେ ରଖିବା ପରେ ଏହାକୁ ଖାଇବାର ମଜା ନିଅନ୍ତୁ।
