ନୂଆଦିଲ୍ଲୀ,୮।୬: କେନ୍ଦ୍ର ସଡକ ପରିବହନ ଏବଂ ରାଜପଥ ମନ୍ତ୍ରଣାଳୟ ପକ୍ଷରୁ ବିଏସ୍-୬ ଯାନ ଲାଗି ନୂଆ ନିୟମ ଘୋଷଣା କରାଯାଇଛି। ଏହି ଯାନଗୁଡିକୁ ସହଜରେ ଚିହ୍ନିବା ଲାଗି ନୂଆ ବ୍ୟବସ୍ଥା ହୋଇଛି। ଏହି ନୂଆ ନିୟମ ୨୦୨୦ ଅକ୍ଟୋବର ପରଠାରୁ ଲାଗୁ ହେବ। ବିଏସ୍-୬ ଯାନଗୁଡିକର ନମ୍ବର ପ୍ଲେଟରେ ସବୁଜ ପଟି ଲାଗିବ। ମନ୍ତ୍ରଣାଳୟ ପକ୍ଷରୁ ଶନିବାର ଜାରି କରାଯାଇଥିବା ରିପୋର୍ଟ ମୁତାବକ ବିଏସ୍-୬ ଚାରିଚକିଆ ଯାନର ପଞ୍ଜୀକରଣ ଦସ୍ତାବିଜ କିମ୍ବା ନମ୍ବରପ୍ଲେଟ ଊପରେ ସବୁଜ ପ୍ୟାଚ୍ ଲଗାଯିବ। ଏହା ଦ୍ୱାରା ବାହାନଗୁଡିକୁ ସହଜରେ ଚିହ୍ନିବା ସହଜ ହେବ। ନୂଆ ନିୟମ ପେଟ୍ରୋଲ, ଡିଜେଲ ଏବଂ ସିଏନ୍ଜି ୪ ଚକିଆ ଯାନ ଉପରେ ଲାଗୁ କରାଯିବ। ଏପ୍ରିଲ ପହିଲାରୁ ସାରା ଦେଶରେ ବିଏସ୍-୬ ଆଇନ ଲାଗୁ କରାଯାଇଛି। ବିଏସ୍-୬ ଯାନଗୁଡିକୁ ଚିହ୍ନିବା ଲାଗି ବିଦେଶରେ ମଧ୍ୟ ବିଭିନ୍ନ ସୁବିଧା କରାଯାଇଛି। ଏହାକୁ ଧ୍ୟାନରେ ରଖି ଭାରତରେ ମଧ୍ୟ ନୂଆ ନିୟମ ଲାଗୁ କରାଯାଇଛି। ନମ୍ବର ପ୍ଲେଟ ଉପରେ ଲାଗିଥିବା ଥିବା ଏହି ପଟି ୧ ସେମି ଚଉଡା ହେବ ବୋଲି କୁହାଯାଇଛି।
