ମୁମ୍ବାଇ: ରାମାୟଣକୁ ନେଇ ଲୋକଙ୍କ ଭିତରେ କେତେ କ୍ରେଜ୍ ରହିଛି ଏବେ ତାହା ସ୍ପଷ୍ଟ ବାରି ହୋଇ ପଡିଛି। ଦେଶରେ ଚାଲିଥିବା ଲକ୍ଡାଉନ ସମୟରେ ଦୂରଦର୍ଶନରେ ପୁଣିଥରେ ପ୍ରସାରଣ କରାଯାଇଥିବା ରାମାୟଣ ସବୁ ରେକର୍ଡ ଭାଙ୍ଗିବା ପରେ ଏହା ସ୍ପଷ୍ଟ ହୋଇଛି। ଏହାର ଲୋକ ପ୍ରିୟତାକୁ ଦେଖି ପ୍ରଥମଥର ପାଇଁ ଦୂରଦର୍ଶନରେ ପ୍ରସାରଣ କରାଯାଇଥିବା ଏହି ଧାରାବାହିକକୁ ଏକ ଘରୋଇ ଚ୍ୟାନେଇ କିଣି ପୁଣିଥରେ ପ୍ରସାରଣ ଆରମ୍ଭ କରିବାକୁ ଯାଉଛି। ଏବେ ଏହାକୁ ନେଇ ସୋସିଆଲ ମିଡିଆରେ ଖୁବ୍ ଆଲୋଚନା ହେଲାଣି। ଦର୍ଶକେ ଏହି ଧାରାବାହିକକୁ ଏବେ ବଡ ପରଦାରେ ଦେଖିବାକୁ ମନ ବଳାଇଛନ୍ତି। ତେବେ ରାମାୟଣ ଭଳି ସେଟ୍ କାହାଣୀ ଯଦି ବହୁବଳୀ ନିର୍ଦ୍ଦେଶକ ଏସ୍ଏସ୍ ରାଜାମୌଳି ନିର୍ମାଣ କରନ୍ତି ତେବେ ଏହା ଦର୍ଶକଙ୍କୁ ପସନ୍ଦ ଆସିବ ବୋଲି ସୋସିଆଲ ମିଡିଆରେ ଆଲୋଚନା ହେଲାଣି। ଦର୍ଶକେ କହୁଛନ୍ତି ରାମାୟଣକୁ ବଡପରଦାକୁ ରାଜାମୌଳି ଆଣନ୍ତୁ। ଏମିତିକି ଏବେ #RajamouliMakeRamayan ବୋଲି ଟ୍ରେଣ୍ଡ କରୁଥିବା ଦେଖା ଗଲାଣି। ଏହାକୁ ନେଇ ଯଦିଓ ରାଜାମୌଳିଙ୍କ ପକ୍ଷରୁ ସେମିତି କୌଣସି ଉତ୍ତର ମିଳିନାହିଁ ଏବେ କିନ୍ତୁ ସୋସିଆଲ ମିଡିଆରେ ରାମାୟଣକୁ ନେଇ ଫିଲ୍ମ ତିଆରି କରାଯାଉ ବୋଲି କୁହାଯାଉଛି।
