ବାଲୁଗାଁ,୧୨ା୭ (ଡି.ଏନ.ଏ.): ସ୍ବାସ୍ଥ୍ୟ ବିଭାଗୀୟ କର୍ତ୍ତୃପକ୍ଷଙ୍କ ଖାମଖିଆଲି ମନୋଭାବ ହେତୁ ବାଲୁଗାଁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରଟି ସମ୍ପ୍ରତି ବହୁବିଧ ସମସ୍ୟା ଦେଇ ଗତି କରୁଛି| ଦୀର୍ଘବର୍ଷ ହେଲା ଏଠାରେ ଡାକ୍ତର ସମସ୍ୟା ଲାଗିରହିଥିବାରୁ ରୋଗୀମାନେ ଚିକିତ୍ସା ସେବାରୁ ବଞ୍ଚତ୍ତ ହେଉଛନ୍ତି ା ଅନ୍ୟପକ୍ଷରେ ଡାକ୍ତରଖାନା ପରିସରରେ ଥିବା ନିଦାନ-ନିଃଶୁଳ୍କ ରୋଗ ନିରୂପଣ ସେବା କେନ୍ଦ୍ରଟି ସର୍ବଦା ତାଲା ଝୁଲୁଥିବା ଦେଖାଦେଇଛି ା ଫଳରେ ରୋଗୀ ବାଧ୍ୟ ହୋଇ ଘରୋଇ ନିରୂପଣ କେନ୍ଦ୍ର ଉପରେ ନିର୍ଭର କରି ଆର୍ଥିକ ଶୋଷଣର ଶିକାର ହେଉଛନ୍ତି।
ପ୍ରକାଶ ଯେ, ରୋଗୀଙ୍କୁ ନିଃଶୁଳ୍କ ଓ ଉତ୍ତମ ସ୍ବାସ୍ଥ୍ୟସେବା ଯୋଗାଇଦେବା ପାଇଁ ରାଜ୍ୟ ସରକାର ବିଭିନ୍ନ ଜନହିତକର ଯୋଜନା ପ୍ରଣୟନ କରିଛନ୍ତି ା ହେଲେ ବାଲୁଗାଁ ଡାକ୍ତରଖାନାରେ ଏହାର ବ୍ୟତିକ୍ରମ ଦେଖିବାକୁ ମିଳିଛି ା ୧୬ଶଯ୍ୟା ବିଶିଷ୍ଟ ଏହି ସ୍ବାସ୍ଥ୍ୟ କେନ୍ଦ୍ର ଉପରେ ଆଖପାଖ ଗ୍ରାମର ପ୍ରାୟ ୨ଶହରୁ ଊର୍ଦ୍ଧ୍ୱ ଗ୍ରାମବାସୀ ନିର୍ଭର କରିଥାନ୍ତି। ଏହାଛଡା ରାଜପଥରେ ଦୁର୍ଘଟଣା ଘଟିଲେ ଜରୁରିକାଳୀନ ଚିକିତ୍ସା ସେବା ନିମନ୍ତେ ପ୍ରାୟ ୨୦ କିଲୋମିଟର ଦୂରରୁ ଆହତଙ୍କୁ ବାଲୁଗାଁ ଡାକ୍ତରଖାନା ଅଣାଯାଇଥାଏ ା ଏପରିସ୍ଥଳେ ଏଠାରେ ରୋଗୀଙ୍କ ଚିକିତ୍ସା ନିମନ୍ତେ ଆବଶ୍ୟକ ଡାକ୍ତର ଓ ଆନୁଷଙ୍ଗିକ ଯନ୍ତ୍ରାଂଶ ଉପଲବ୍ଧ ନ ଥିବାରୁ ବହୁ ଅପ୍ରୀତିକର ପରିସ୍ଥିତି ସୃଷ୍ଟି ହେଉଛି ା ବହୁବିଧ ସମସ୍ୟା ହେତୁ ଡାକ୍ତରଖାନାଟି ଏକପ୍ରକାର ଅଚଳ ଅବସ୍ଥାକୁ ଆସିଗଲାଣି ା ଗୁରୁତ୍ୱପୂର୍ଣ୍ଣ ପ୍ରସଙ୍ଗ ହେଉଛି ଡାକ୍ତରଖାନା ପରିସରରେ ଦୀର୍ଘଦିନ ହେଲା ଏକ ନିଃଶୁଳ୍ପ ରୋଗ ନିରୂପଣ କେନ୍ଦ୍ର ଖୋଲାଯାଇଛି ା ଏଠାରେ ୪୦ଗୋଟି ରୋଗ ନିରୂପଣ ପାଇଁ ରୋଗୀ ମାଗଣାରେ ସେବା ପାଇପାରିବେ ବୋଲି ଫଳକରେ ଉଲ୍ଲେଖ ରହିଛି ା କିନ୍ତୁ ପରିତାପର ବିଷୟ ଅଦ୍ୟାବଧି ଉକ୍ତ କେନ୍ଦ୍ରଟି କାର୍ଯ୍ୟକ୍ଷମ ହୋଇ ନ ପାରି ତାଲା ଝୁଲୁଛି ା ଫଳରେ ରୋଗୀ ନିଃଶୁଳ୍ପ ସେବାରୁ ବଞ୍ଚତ୍ତ ହୋଇ ଘରୋଇ କେନ୍ଦ୍ରରେ ରୋଗ ନିରୂପଣ କରି ଆର୍ଥିକ ଶୋଷଣର ଶିକାର ହେଉଛନ୍ତି ା ଦିନକୁ ଦିନ ଏହି ସ୍ବାସ୍ଥ୍ୟକେନ୍ଦ୍ର ପ୍ରତି ରୋଗୀଙ୍କ ଭରସା ତୁଟିବାରେ ଲାଗିଛି। ସାଧାରଣ କୌଣସି ରୋଗ ପାଇଁ ସେମାନେ ଦୂରଦୂରାନ୍ତକୁ ଯିବା ଲାଗି ବାଧ୍ୟ ହେଉଛନ୍ତି ା ତୁରନ୍ତ ବିଭାଗୀୟ ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେଇ ସମସ୍ୟା ସମାଧାନ ଦିଗରେ ପଦକ୍ଷେପ ନ ନେଲେ ଅଞ୍ଚଳବାସୀ ରାଜରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି ା ଏ ସମ୍ପର୍କରେ ଖୋର୍ଦ୍ଧା ଜିଲା ମୁଖ୍ୟ ଚିକିତ୍ସାଧିକାରୀ ଡାକ୍ତର ବିଜୟ ମହାପାତ୍ରଙ୍କୁ ପଚାରିବାରୁ ସେ କହିଥିଲେ, ଉକ୍ତ ନିରୂପଣ କେନ୍ଦ୍ରରେ ନୂତନ ଭାବେ ଲଗାଯାଇଥିବା ଅଟୋ ଆନାଲାଇଜର ଯନ୍ତ୍ରାଂଶ ଚଳାଇବା ପାଇଁ ଅଭିଜ୍ଞ ଟେକ୍ନିସିଆନ୍ ନ ଥିଲେ ା ଇତି ମଧ୍ୟରେ ଟେକ୍ନିସିଆନଙ୍କ ପ୍ରଶିକ୍ଷଣ ସମାପ୍ତି ହୋଇଛି ା ସୋମବାରଠାରୁ କାର୍ଯ୍ୟରେ ଯୋଗଦେବେ ବୋଲି ସେ କହିଛନ୍ତି।
