ବୁଗୁଡ଼ା,୧୮ା୫(ଡି.ଏନ୍.ଏ.): ଗଞ୍ଜାମ ଜିଲା ବୁଗୁଡ଼ା ବ୍ଲକ ଅନ୍ତର୍ଗତ ବାଘୁଆ ଜଳଭଣ୍ଡାରରୁ ରବିବାର ସନ୍ଧ୍ୟାରେ ସମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ୨ଟି ଗେଟ୍ ଦେଇ ଜଳ ନିଷ୍କାସନ କରାଯାଇ ନଦୀରେ ଛଡ଼ାଯାଇଥିବା ଜଣାପଡ଼ିଛି। ଜଳସମ୍ପଦ ବିଭାଗର ମୁଖ୍ୟ ସଚିବଙ୍କ ନିର୍ଦ୍ଦେଶ କ୍ରମେ ପ୍ରଥମ ବନ୍ୟାଜଳ ନିଷ୍କାସନ କରାଯାଇଛି ବୋଲି ବୁଗୁଡ଼ା ଜଳସେଚନ ସହ ନିର୍ବାହୀଯନ୍ତ୍ରୀ ବିଷ୍ଣୁଚରଣ ସାହୁ ସୂଚନା ଦେଇଛନ୍ତି। ବର୍ତ୍ତମାନ ବାଘୁଆ ଜଳଭଣ୍ଡାରରୁ ଦୁଇଟି ଗେଟ୍ ଏବଂ କେନାଲ ଦେଇ ପ୍ରତି ସେକେଣ୍ଡ୍ରେ ୩୧ ଘନମିଟର ଜଳ ନିଷ୍କାସନ କରାଯାଉଛି।
ପ୍ରକାଶଯେ, ବାଘୁଆ ଜଳଭଣ୍ଡାରର ଉଚ୍ଚତା ୧୧୩.୮୫ ମିଟର ଥିବା ବେଳେ ବର୍ତ୍ତମାନ ୧୧୨.୩୧ ମିଟର ରହିଛି। ସେହିପରି ବାଘୁଆ ଜଳଭଣ୍ଡାରର ଜଳଧାରଣ କ୍ଷମତା ୩୧୦୦ ହେକ୍ଟମିଟର ଥିବା ବେଳେ ବର୍ତ୍ତମାନ ୧୮୨୯ ହେକ୍ଟମିଟର ଅଛି।
