ଖୋର୍ଦ୍ଧା ଅଫିସ, ୧୨।୧୦: ବଜ୍ରପାତରେ ଦୁଇ ଜଣଙ୍କର ମୃତ୍ୟୁ ଘଟିଛି। ସେମାନେ ହେଲେ ଖୋର୍ଦ୍ଧା ଆଦର୍ଶ ଥାନା ପୁବୁସାହି ପଞ୍ଚାୟତ ଚାନ୍ଦପୁର ଗଁ।ର ପ୍ରହଲ୍ଲାଦ ବେହେରା(୩୫) ଓ ଜଙ୍କିଆ ଥାନା ଓରବରସିଂର ଲେଖନପୁର ଗଁ।ର ଉତ୍ତମ ଜେନା(୬୦)। ଉଭୟଙ୍କ ମୃତଦେହକୁ ଖୋର୍ଦ୍ଧା ଜିଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ସନ୍ଧ୍ୟା ହୋଇଯାଇଥିବାରୁ ଶନିବାର ମୃତଦେହ ବ୍ୟବଚ୍ଛେଦ ହେବ ବୋଲି ଡାକ୍ତରଙ୍କ ସୂତ୍ରରୁ ପ୍ରକାଶ। ଶୁକ୍ରବାର ଅପରାହ୍ନ ୪ଟାରୁ ସନ୍ଧ୍ୟା ପର୍ଯ୍ୟନ୍ତ ଖୋର୍ଦ୍ଧା ଓ ଆଖପାଖ ଅଞ୍ଚଳରେ ବଜ୍ରପାତ ହେବା ସହ ବର୍ଷା ହୋଇଥିଲା। ଅପରାହ୍ନ ପ୍ରାୟ ୪ଟାରେ ବର୍ଷା ହେବା ସମୟରେ ପ୍ରହଲ୍ଲାଦ ସାନ ଭାଇ ସହ ଘରକୁ ଫେରୁଥିଲେ। ମୁଣ୍ଡ ଉପରେ ଘାସ ଗୋଛା ରହିଥିଲା। ସାନ ଭାଇ ଆଗ ଘରେ ପହଞ୍ଚତ୍ ଯାଇଥିଲେ। ଆଉ କିଛି ସମୟ ପରେ ପ୍ରହଲ୍ଲାଦ ପହଞ୍ଚତ୍ଥାନ୍ତେ। ଏହି ସମୟରେ ବଜ୍ରପାତ ହେବାରୁ ପ୍ରହଲ୍ଲାଦ ଘଟଣାସ୍ଥଳରେ ଟଳି ପଡିଥିଲେ। ସେ
ବର୍ଷେ ତଳେ ବିବାହ କରିଥିଲେ। ସ୍ତ୍ରୀ ଗର୍ଭବତୀ ଅଛନ୍ତି। ବାପା ପକ୍ଷାଘାତ ରୋଗୀ। ଏଭଳିସ୍ଥଳେ ତାଙ୍କ ମୃତ୍ୟୁ ଗଁ।ରେ ଶୋକର ଛାୟା ଖେଳାଇଦେଇଛି। ଅନ୍ୟପକ୍ଷରେ ଲେଖନପୁର ଗଁାର ଘନଙ୍କ ସ୍ତ୍ରୀ ଉତ୍ତମ ଗୁହାଳକୁ ଗାଈ ବାନ୍ଧିବାକୁ ଯାଇଥିଲେ। କେତୋଟି ଗାଈ ନ ଆସିଥିବାରୁ ଗୁହାଳ ବାହାରକୁ ଯାଇ ଖୋଜିଥିଲେ। ସନ୍ଧ୍ୟା ସମୟରେ ବଜ୍ରପାତ ହେବାରୁ ସେ ଗୁହାଳ ନିକଟରେ ଟଳି ପଡିଥିଲେ।
