ଭଦ୍ରକ ଅଫିସ, ୧୯।୬: ବାହାଘରର ଫୁଲସଜ୍ଜା ବକେୟା ଟଙ୍କା ମାଗିବାରୁ ଦୋକାନୀ ସମେତ ୨ ସହଯୋଗୀଙ୍କୁ ମଙ୍ଗଳବାର ବିଳମ୍ବିତ ରାତିରେ ମରଣାନ୍ତକ ଆକ୍ରମଣ କରାଯାଇଛି। ଏଥିରେ ଗୁରୁତର ୩ ଜଣ ଭଦ୍ରକ ଜିଲା ଚିକିତ୍ସାଳୟରେ ଚିକିତ୍ସାଧୀନ ଅଛନ୍ତି। ଅପର୍ତ୍ତିବିନ୍ଧା ଗଁ।ର ଫୁଲ ଦୋକାନୀ ପ୍ରଫୁଲ୍ଲ କୁମାର ଜେନାଙ୍କ ଅଭିଯୋଗ କ୍ରମେ ଟାଉନ ଥାନା ପୋଲିସ ୯ ଜଣଙ୍କ ନଁାରେ ମାମଲା ରୁଜୁ କରି ତଦନ୍ତ ଚଳାଇଛି। ପୋଲିସ ସୂଚନା ଅନୁଯାୟୀ, ପ୍ରଫୁଲ୍ଲ ଗତ ଏପ୍ରିଲ ୩୦ ତାରିଖରେ ମିର୍ସାହି ଅପର୍ତ୍ତିବିନ୍ଧା ଗଁ।ର କାଲୁଙ୍କ ଭାଇ ବାହାଘରରେ ଫୁଲ ସଜାଇଥିଲେ। ମଙ୍ଗଳବାର ସନ୍ଧ୍ୟାରେ କଚେରି ବଜାରସ୍ଥିତ ଫୁଲ ଦୋକାନରେ ସେ କାଲୁଙ୍କୁ ଦେଖି ବକେୟା ଟଙ୍କା ମାଗିଥିଲେ। ଏହାକୁ କେନ୍ଦ୍ରକରି କାଲୁଙ୍କ ସହଯୋଗୀମାନେ ମିଶି ବିଳମ୍ବିତ ରାତିରେ ପ୍ରଫୁଲ୍ଲ ଘରକୁ ଯିବା ସମୟରେ ରାସ୍ତାରେ ପକାଇ ମରଣାନ୍ତକ ଆକ୍ରମଣ କରିଥିବା ଅଭିଯୋଗରେ ଦର୍ଶାଯାଇଛି। ଆକ୍ରମଣରେ ପ୍ରଫୁଲ୍ଲଙ୍କ ସହ ତାଙ୍କର ୨ ସହଯୋଗୀ ଗୁରୁତର ଆହତ ହୋଇଛନ୍ତି। ପ୍ରଫୁଲ୍ଲଙ୍କ ଏତଲାକୁ ଭିତ୍ତିକରି ପୋଲିସ କାଲୁଙ୍କ ସମେତ ୯ ଜଣଙ୍କ ନଁ।ରେ ମାମଲା(ନଂ.୧୮୨/୧୯) ରୁଜୁ କରିଛି।
