ଆଜିକାଲି ସ୍ମାର୍ଟଫୋନ୍ ଲୋକଙ୍କର ଯେତିକି ଉପକାରରେ ଆସୁଛି ସେତିକି ଅପକାର ମଧ୍ୟ କରୁଛି। ଏଇ ଯେମିତି ଏହି ଫୋନ୍ ପାଇଁ କିଏ ଆତ୍ମହତ୍ୟା କଲାଣି ତ ଆଉ କାହାର ଘରୋଇ କଳିଝଗଡ଼ା ଚରମ ସୀମାରେ ପହଞ୍ଚିଲାଣି। ଏମିତି ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି। ଭିଡିଓ ଆରମ୍ଭରେ ଦେଖିବେ ମହିଳା ଜଣକ ଜଣେ ପୁରୁଷଙ୍କୁ ଗୋଡ଼ାଉଛନ୍ତି। ମାତ୍ର ପୁରୁଷଜଣକ ଧରା ଦେଉନାହାନ୍ତି। କାରଣ ବି ବେଶ୍ ମଜାଳିଆ। ପୁରୁଷ ଜଣକ ତାଙ୍କ ଫୋନ୍ରେ ଲକ୍ ପକାଇ ଦେଇଛନ୍ତି। ଯେଉଁ ମହିଳା ତାଙ୍କୁ ଗୋଡ଼ାଉଛନ୍ତି ସେ ତାଙ୍କ ସ୍ତ୍ରୀ। ତେଣୁ ସେ ଚାହଁୁଛନ୍ତି ତାଙ୍କ ସ୍ବାମୀଙ୍କ ଫୋନ୍ ଦେଖିବେ। ମାତ୍ର ସ୍ବାମୀ ଜଣକ ଧରାଛୁଆଁ ଦେଉନାହାନ୍ତି। ଅସଲ କଥା ହେଲା ଫୋନ୍ରେ ସ୍ବାମୀ ଫେସ୍ ଲକ୍ ପକାଇ ଦେଇଛନ୍ତି। ତେଣୁ ସ୍ବାମୀ ତାଙ୍କୁ କାହିଁକି ଏସବୁ ଲୁଚାଉଛନ୍ତି ସତ୍ୟତା ଜାଣିବା ପାଇଁ ଅନ୍ଲକ୍ କରିବାକୁ ଚାହୁଁଛନ୍ତି ସ୍ତ୍ରୀ। ଶେଷରେ ମହିଳା ଜଣକ ଫେସ୍ ଲକ୍ ଖୋଲିବାରେ ସଫଳ ହୋଇଛନ୍ତି। ଆଉ ସେହି ସ୍ଥାନରୁ ଫୋନ୍ଟିକୁ ନେଇ ଦୌଡ଼ି ପଳାଉଥିବା ଭିଡିଓଟିରେ ଦେଖିବାକୁ ମିଳିଛି। ଏପରି ହଟହଟା ତଥା ମଜାଳିଆ ଭିଡିଓଟିକୁ ଏ ପର୍ଯ୍ୟନ୍ତ ୧ କୋଟି ୩୦ ଲକ୍ଷ ଲୋକ ଦେଖିସାରିଲେଣି। ୩୪ ହଜାରରୁ ଅଧିକ ଲାଇକ୍ ମଧ୍ୟ ହୋଇଛି।
ଜାଣନ୍ତୁ ଫେସ୍ ଲକ୍ କ’ଣ ?
ଫୋନ୍ ସୁରକ୍ଷିତ ରଖିବା ପାଇଁ ଲକ୍ କରାଯାଇଥାଏ। ଏଥିପାଇଁ ପାର୍ଟନ, ନମ୍ବର ପାସ୍ଓ୍ବାର୍ଡ, ଫିଙ୍ଗର ପ୍ରିଣ୍ଟ୍ ଆଦି ବ୍ୟବହାର କରାଯାଇଥାଏ। ସେହିପରି ଫୋନ୍କୁ ସୁରକ୍ଷିତ ରଖିବା ପାଇଁ ଫେସ୍ ଆଇଡିର ବ୍ୟବହାର ହୋଇଥାଏ। ମୁହଁ ପାଖରେ ଫୋନ୍ ଦେଖାଇଲେ ଉକ୍ତ ବ୍ୟକ୍ତିଙ୍କ ଚେହେରା ଚିହ୍ନି ଫୋନ୍ ଅନ୍ଲକ୍ ହୋଇଥାଏ।
His girl was really committed to cracking his Face ID… pic.twitter.com/FSEwPzsamN
— Guy (@apiecebyguy) September 23, 2019
