ଖଇରା, ୫।୫(ଡି.ଏନ.ଏ.)-ବାଲେଶ୍ୱର ଜିଲା ଅଧୀନ ସିମୁଳିଆ ଓ ଔପଦା ନିର୍ବାଚନମଣ୍ଡଳୀରେ ରାଜନେତା ଶଶି ସାହୁ ପ୍ରାକୃତିକ ବିପତ୍ତି ସମୟରେ ସିମୁଳିଆ ଓ ଖଇରା ଜନସାଧାରଣଙ୍କ ନିକଟରେ ଛିଡା ହୋଇଛନ୍ତି। ଏବେ ବିଜେଡି ରାଜ୍ୟ ସମ୍ପାଦକ ଦାୟିତ୍ୱରେ ଥିବା ସାହୁ କରୋନା ଭଳି ମହାମାରୀ ସମୟରେ ପ୍ରବାସୀ ଓଡିଆଙ୍କ ପ୍ରତି ସହଯୋଗର ହାତ ବଢାଇ ପୁଣିଥରେ ମାନବିକତାର ପରିଚୟ ଦେଇଛନ୍ତି ା ସୁରଟ, ବାଙ୍ଗାଲୋର, ବମ୍ବେ, ଦିଲ୍ଲୀ ଓ ହାଇଦ୍ରାବାଦରେ ରହୁଥିବା ସିମୁଳିଆ, ଖଇରା ତଥା ଔପଦା ଅଞ୍ଚଳର ଶ୍ରମିକଙ୍କ ପାଇଁ ଆର୍ଥତ୍କ ସହାୟତା ପ୍ରଦାନ କରିଛନ୍ତି। ୫ ପର୍ଯ୍ୟାୟରେ ଶ୍ରମିକଙ୍କ ବ୍ୟାଙ୍କ ଆକାଉଣ୍ଟ ଜରିଆରେ ୨ହଜାରରୁ ଊର୍ଦ୍ଧ୍ୱ ଶ୍ରମିକଙ୍କ ନିକଟକୁ ଅନ୍ୟୁନ ୬ଲକ୍ଷ ଟଙ୍କା ପ୍ରଦାନ କରିସାରିଲେଣି ା ଆଗକୁ ଲକ୍ଡାଉନ ସରିବା ପର୍ଯ୍ୟନ୍ତ ଏହି ସାହାଯ୍ୟ ସହଯୋଗ ଅବ୍ୟାହତ ରଖିବେ ବୋଲି ସାହୁ ପ୍ରକାଶ କରିଛନ୍ତି। ଏଥିସହ ଭୁବନେଶ୍ୱରରେ କର୍ମସଂସ୍ଥାନରୁ ବଞ୍ଚିତ ଥିବା ଯୁବଗୋଷ୍ଠୀଙ୍କୁ ରନ୍ଧାଖାଦ୍ୟ ବଣ୍ଟନ କରିସାରିଛନ୍ତି ା ନିଜର ପିଲାମାନଙ୍କୁ ଏଭଳି ସହାୟତା ଯୋଗାଇ ଦେଇଥିବାରୁ ଖଇରା ବ୍ଲକର ସାରଡାଙ୍ଗ, ନହଙ୍ଗ, ବଡଜୟୀପୁର, ଅନ୍ତରା, ଗୋବିନ୍ଦପୁର, ଶ୍ୟାମସୁନ୍ଦରପୁର ଓ ସାରକୋଣା ଆଦି ଅଞ୍ଚଳର ଅଭିଭାବକମାନେ କୃତଜ୍ଞତା ଜଣାଇଛନ୍ତି।
