ଖୋର୍ଦ୍ଧା ଅଫିସ,୨୯ା୩: ସମ୍ପ୍ରତି ଲକ୍ଡାଉନ ଯୋଗୁ ଗାଡ଼ି ଚଳାଚଳ, ଦୋକାନବଜାର ସବୁ ବନ୍ଦ ରହିଛି। କଟକଣା ଯୋଗୁ କେହି ଘରୁ ପଦାକୁ ବାହାରୁନାହାନ୍ତି। ଏଭଳିସ୍ଥିତିରେ ଦିନମଜୁରିଆ, ଫୁଟଫାଥ ବେପାରୀଙ୍କ ଜୀବିକା ପ୍ରଭାବିତ ହୋଇଛି। ଖୋର୍ଦ୍ଧା ସହରର ହାବେଳି ପଡ଼ିିଆ ରାସ୍ତା କଡ଼ରେ ବସି ଜୋତା ପାଲିସ କରୁଥିବା କେ. ଆଦି ରାଜୁ କହିଛନ୍ତି, ଏବେ ଦୈନିକ ୫୦ ଟଙ୍କା ବି ରୋଜଗାର ହେଉନି। ପରିବାର ଚଳାଇବା କଷ୍ଟକର ହୋଇପଡୁଛି। ଲୋକଙ୍କର ତ ପରିବା କିଣିବାକୁ ବେଳ ନାହିଁ ଜୋତା ପଲିସ କିଏ କରିବ? ଏଭଳି ସ୍ଥିତି ଆଉ କିଛି ଦିନ ଜାରି ରହିଲେ ମୋ’ ଭଳି ବହୁ ଲୋକଙ୍କ ଚଳିବା ଦୁର୍ବିସହ ହୋଇପଡ଼ିିବ। ଗତ ସପ୍ତାହେ ହେଲା ଧାର କରଜ କରି ପରିବାର ଚଳାଉଛି। ତେବେ କରୋନା ଭୁତାଣୁ ସଂକ୍ରମଣ ରୋକିବା ଲାଗି ସରକାରଙ୍କ ପଦକ୍ଷେପକୁ ସେ ସମର୍ଥନ କରୁଥିବା ରାଜୁ ପ୍ରକାଶ କରିଛନ୍ତି।
