ଦାରିଙ୍ଗବାଡ଼ି,୧୬।୧(ଡି.ଏନ୍.ଏ): ଗୋଟିଏ ପଟେ ୩୧ ତମ ଜାତୀୟ ସଡ଼କ ସୁରକ୍ଷା ଦିବସ ପାଳନ କରାଯାଇ ଜନସଚେତନତା କରାଯାଉଥିବାବେଳେ ଅନ୍ୟପଟେ ଦୁର୍ଘଟଣା ବଢୁଛି। ଗୁରୁବାର ଦାରିଙ୍ଗବାଡ଼ି ଥାନା ଅଞ୍ଚଳରେ ୨ଟି ଅଟୋ ଦୁର୍ଘଟଣାଗ୍ରସ୍ତ ହୋଇ ୨ ଜଣ ଗୁରୁତର ଆହତ ହେବାସହ ଜଣେ ଶିଶୁଙ୍କ ସମେତ ୫ଜଣ ଆହତ ହୋଇଛନ୍ତି। ଗୁରୁତରମାନେ ହେଲେ ବଡାଙ୍ଗିଆ ଗ୍ରାମର ଜିତୁ ବଳିଆରସିଂ ଏବଂ ଗାଙ୍ଗୁଲି ବଳିଆରସିଂ। ଜିତୁଙ୍କୁ ଦାରିଙ୍ଗବାଡ଼ି ମେଡିକାଲରେ ପ୍ରାଥମିକ ଚିକିତ୍ସା ପରେ ଅନ୍ୟତ୍ର ସ୍ଥାନାନ୍ତର କରାଯାଇଛଇ। ପୋଲିସ ଅଟୋ ଜବତ କରି ତଦନ୍ତ ଚଳାଇଛି। ୨ଟି ଯାକ ଅଟୋ ଦାରିଙ୍ଗବାଡ଼ି-ବ୍ରାହ୍ମଣୀଗଁା ରାସ୍ତା ଡୁଲୁରୀ ପାଇନବଣ ନିକଟ ଏବଂ ହେଲିପ୍ୟାଡ ପଡ଼ିଆ ନିକଟରେ ହୋଇଥିବା ପୋଲିସ ସୂତ୍ରରୁ ଜଣାପଡିଛି। ସେହିପରି ଦାରିଙ୍ଗବାଡ଼ି ଥାନା ଏବଂ କ.ନୂଆଗାଁ ଥାନା ସିମାବର୍ତ୍ତୀ ଲକଟି ଘାଟି ନିକଟରେ ଏକ ମାଲ୍ ବୋଝେଇ ଟ୍ରକ୍ (ନଂ.ଓଡି-୦୭ଜେ-୯୦୦୨) ଓଲଟି ଚାଳକ ସାମାନ୍ୟ ଆହତ ହୋଇଥିଲେ। ୫୯ ନଂ. ଜାତୀୟ ରାଜପଥରେ ଗାଡି ଚଳାଚଳ କିଛିସମୟ ପାଇଁ ବାଧାପ୍ରାପ୍ତ ହୋଇଥିଲା। ପୋଲିସ ପହଞ୍ଚତ୍ ଟ୍ରକଟିକୁ ରାଜପଥରୁ ହଟାଇବା ପରେ ଯାତାୟାତ ସ୍ବାଭାବିକ ହୋଇଥିଲା।
