ଛତ୍ରପୁର,୨୦ା୮(ଡି.ଏନ.ଏ)-କବିସୂର୍ଯ୍ୟନଗର ଥାନା ଆଠଗଡପାଟଣା ଗ୍ରାମର ଶୋଭା ସେଠୀ ସୋମବାର ସନ୍ଧ୍ୟାରେ ଛତ୍ରପୁରସ୍ଥିତ ଏସ୍ପିଙ୍କ କାର୍ଯ୍ୟାଳୟକୁ ଆସି ତାଙ୍କ ସାନପୁଅର ହତ୍ୟାକାରୀଙ୍କୁ ଗିରଫ କରିବା ପାଇଁ ଦାବି କରିଛନ୍ତି। ସାନପୁଅ ପ୍ରଶାନ୍ତଙ୍କୁ ହତ୍ୟା କରାଯାଇଛି। ଏହାର ଠିକ୍ ଭାବେ ତଦନ୍ତ କରି ଅଭିଯୁକ୍ତଙ୍କୁ ତୁରନ୍ତ ଗିରଫ କରାଯାଉ ବୋଲି ଏସ୍ପିଙ୍କ ଅନୁପସ୍ଥିତିରେ ଅତିରିକ୍ତ ଏସ୍ପି ପତିତପାବନ ଚୌଧୁରୀଙ୍କୁ ଭେଟି ଶୋଭା ଅନୁରୋଧ କରିଛନ୍ତି। ଶୋଭା କହିଛନ୍ତି ଯେ, ୨୦୧୮ ଡିସେମ୍ବର ୨୪ ତାରିଖରେ ସାନପୁଅ ପ୍ରଶାନ୍ତ ଅର୍ଜୁନପଲ୍ଲୀ ଗାଁରେ ସରକାରୀ ମହୁଲି ମଦ ବିକ୍ରି କରୁଥିବା ବେଳେ ତାଙ୍କୁ କେତେଜଣ ଲୋକ ମାଡମାରି ରକ୍ତାକ୍ତ କରି ଦେଇଥିଲେ ା ପରେ ସ୍ଥାନୀୟ ଲୋକେ ପ୍ରଶାନ୍ତଙ୍କୁ ଉଦ୍ଧାର କରି କବିସୂର୍ଯ୍ୟନଗର ଡାକ୍ତରଖାନାକୁ ନେଇଥିଲେ ା ଚିକିସତ୍ା ପରେ ପ୍ରଶାନ୍ତଙ୍କୁ ଘରକୁ ଅଣାଯିବା ପରଦିନ ସେ ପୁଣି ଅସୁସ୍ଥ ହେବାରୁ ବ୍ରହ୍ମପୁର ବଡ ମେଡିକାଲକୁ ନିଆଯାଇଥିଲା। ଏହାର ୭ ଦିନ ପରେ ଚିକିତ୍ସାଧୀନ ଅବସ୍ଥାରେ ପ୍ରଶାନ୍ତଙ୍କ ମୃତ୍ୟୁ ଘଟିଥିଲା ା ଭାଇଙ୍କୁ ହତ୍ୟା କରାଯାଇଥିବା ଏବଂ ଏଥିରେ ସମ୍ପୃକ୍ତଙ୍କ ସମ୍ପର୍କରେ ସୁରଟରେ ରହୁଥିବା ପ୍ରଶାନ୍ତଙ୍କ ଭଉଣୀ କେତେଜଣଙ୍କଠାରୁ ଶୁଣିବା ପରେ ଓଡିଶା ଆସି ମା’ଙ୍କୁ କହିଥିଲେ ା ପରେ ପ୍ରଶାନ୍ତଙ୍କ ବଡ଼ ଭାଇ, ଭଉଣୀ ଓ ମା’ ଛତ୍ରପୁର ଆସି ଘଟଣା ସମ୍ପର୍କରେ ଅତିରିକ୍ତ ଏସପିଙ୍କୁ ଜଣାଇଛନ୍ତି। ପୁରୁଷୋତ୍ତମପୁର ଏସଡିପିଓ ମଙ୍ଗଳବାର ପ୍ରଶାନ୍ତଙ୍କ ଭଉଣୀଙ୍କ ବୟାନ ରେକର୍ଡ କରିବେ ଏବଂ ଏହାପରେ ଘଟଣାର ପୁନଃ ତଦନ୍ତ ହେବ ବୋଲି ଅତିରିକ୍ତ ଏସ୍ପି କହିଛନ୍ତି।
