ଚେନ୍ନାଇ, ୧୩।୬: ତାମିଲନାଡୁର ନାଗପଟ୍ଟନମ୍ ଜିଲାରେ ଏକ ଅଭାବନୀୟ ଘଟଣା ଘଟିଛି। ବେଲିପାୟମ ଇଲାକାରେ ଜଣେ ଦମ୍ପତ୍ତି ଏବଂ ତାଙ୍କ ୧୧ବର୍ଷର ପୁଅଙ୍କ ମୃତଦେହ ଉଦ୍ଧାର କରାଯାଇଛି। ପୁଅର ସ୍କୁଲ ଫି’ ଦେବା ଅସମର୍ଥ ଥିବାରୁ ଦମ୍ପତ୍ତି ନିଜ ପୁଅ ସହ ମିଶି ଆତ୍ମହତ୍ୟ ଭଳି ଚରମ ପଦକ୍ଷେପ ନେଇଛନ୍ତି ବୋଲି ସମ୍ପର୍କୀୟମାନେ କହିଛନ୍ତି। ୩୫ ବର୍ଷୀୟ ସେନ୍ଥିଲ୍ କୁମାର ଜଣେ ବଣିଆ ଥିଲେ। କମ୍ ଆୟ ଯୋଗୁ ସେ ଲୋକମାନଙ୍କଠାରୁ କରଜ ଆଣିଥିଲେ। ଏହାକୁ ସୁଝିପାରି ନ ଥିଲେ। ଗତକିଛିଦିନ ହେବ ପୁଅ ସ୍କୁଲ ଫି’ ଦେବା ପାଇଁ ଟଙ୍କା ନ ଥିବା କଥା ସମ୍ପର୍କୀୟଙ୍କ ଆଗରେ କହି ଚିନ୍ତିତ ଥିଲେ। ଘଟଣାଦିନ ଦମ୍ପତ୍ତି ଏବଂ ତାଙ୍କ ପୁଅ ଖାଦ୍ୟରେ ବିଷ ମିଶାଇ ଖାଇ ଶୋଇପଡିଥିଲେ। ସେନ୍ଥିଲଙ୍କ ଜଣେ ବନ୍ଧୁ ତାଙ୍କୁ ବାରମ୍ବାର ଫୋନ କରିବାରୁ ସେ ଉଠାଇ ନ ଥିଲେ। ଫଳରେ ସେ ପୋଲିସକୁ ଜଣାଇଥିଲେ। ପରେ ପୋଲିସ ସେନ୍ଥିଲଙ୍କ ଘରେ ପହଞ୍ଚି ମୃତଦେହ ଉଦ୍ଧାର କରି ଅଦତ୍କ ତଦନ୍ତ ଚଳାଇଛି।
