ନୟାଗଡ ଅଫିସ, ୩ା୨: ପଦଯାତ୍ରାରେ ଗାଁକୁ ଗାଁ ବୁଲୁଛନ୍ତି ଚାଷୀ। ଚାଷୀ ଓ ସାଧାରଣ ଲୋକଙ୍କୁ ସେମାନଙ୍କ ସମସ୍ୟା ଅବଗତ କରାଉଛନ୍ତି । ୨୦ ବର୍ଷରୁ ଊର୍ଦ୍ଧ୍ୱ ଚାଷ କାର୍ଯ୍ୟରେ ନିୟୋଜିତ ହୋଇଥିବା ଚାଷୀଙ୍କୁ ମାସିକ ୫ ହଜାର ପେନସନ, ଧାନ କୁଇଣ୍ଟାଲ ୫ ହଜାର ଟଙ୍କା, ବାର୍ଦ୍ଧକ୍ୟ ଭତ୍ତା ୧୫୦୦, ଉପତ୍ାଦିତ ଦ୍ରବ୍ୟର ଉଚିତ ମୂଲ୍ୟ, ଗାଁ ଗାଁରେ ଶୀତଳଭଣ୍ଡାର ଓ ଗୋଦାମ ଘର ନିର୍ମାଣ ଦାବି ସମ୍ପର୍କରେ ସରକାରଙ୍କୁ ଅବଗତ କରାଇବେ ବୋଲି କହିଛନ୍ତି। ରାଜ୍ୟ ନବନିର୍ମାଣ କୃଷକ ସଙ୍ଗଠନ ପକ୍ଷରୁ ଜାନୁୟାରୀ ୨୩ ନେତାଜୀ ଜୟନ୍ତୀରୁ ଓଡଗାଁ ରଘୁନାଥ ପୀଠରୁ ଏହି ପଦଯାତ୍ରା ଆରମ୍ଭ ହୋଇଛି। ରାଜ୍ୟ ସଂଯୋଜକ ଶେଷଦେବ ନନ୍ଦ ଏଥିରେ ସାମିଲ ହୋଇଛନ୍ତି। ମେ ୧ରେ ଭୁବନେଶ୍ୱରରେ ପଦଯାତ୍ରା ପହଞ୍ଚିବ। ପଦଯାତ୍ରୀ ଦଳ ରାଜ୍ୟର ୧୨୦୦ କିମି, ୫୦୦ ଗାଁ ପରିକ୍ରମା କରିବେ। ଏଥିରେ ଜଗତ୍ସିଂହପୁର ଦେବୀ ପ୍ରସାଦ ମହାରଣା, ସ୍ନେହୁସୁ ଜେନା, ସୁରେନ୍ଦ୍ର ମହାରଣା, ନୟାଗଡର ଭାଗବତ ପ୍ରଧାନ, ମହେଶ୍ୱର ଜେନା, ବାଉରୀବନ୍ଧୁ ବେହେରା ପ୍ରମୁଖ ସାମିଲ ହୋଇଛନ୍ତି ।
