ଏରସମା,୭ା୫ (ସ୍ବ.ପ୍ର.): ଲକ୍ଡାଉନ ଯୋଗୁ ବିଭିନ୍ନ ରାଜ୍ୟରେ ଫସି ରହିଥିବା ପ୍ରବାସୀ ଓଡ଼ିଆ ଏବେ ଘରକୁ ଫେରିବାକୁ ତତ୍ପର ହୋଇଛନ୍ତି। ଏହିକ୍ରମରେ ମଙ୍ଗଳବାର ସୁଦ୍ଧା ଜଗତ୍ସିଂହପୁର ଜିଲା ଅଧୀନ ଏରସମା ବ୍ଲକର ୨୫ ପଞ୍ଚାୟତରୁ ମୋଟ ୬୯୩୬ ଜଣ ପ୍ରବାସୀ ଓଡ଼ିଆ ଘରକୁ ଫେରିବାକୁ ନାମ ପଞ୍ଜୀକରଣ କରିଛନ୍ତି। ବ୍ଲକ ଗ୍ରାମ ପଞ୍ଚାୟତ ଅଧିକାରୀଙ୍କଠାରୁ ଏହି ସୂଚନା ମିଳିଛି। ଏଥିରେ ଆମ୍ବିକିର ୪୦୩, ବଳେଇପୁରର ୨୬୫, ବାଲିତୁଠ ୧୬୧, ବାମଦେଇପୁର ୨୦୭, ଭିତରଅନ୍ଧାରୀ ୧୯୨, ଚଟୁଆ ୧୫୩, ଢିଙ୍କିଆ ୩୧୩, ଏରସମା ୧୮୧, ଗୋଡା ୬୨୦, ଗଡବିଶୁନିପୁର ୩୧୧, ଗଡହରିଶପୁର ୪୦୬, ଗଡକୁଜଙ୍ଗ ୧୩୩, ଜାନକାଦେଇପୁର ୩୩୯, ଜପା ୩୬୪, କୃଷ୍ଣଚନ୍ଦ୍ରପୁର ୫୨୧, କୁଞ୍ଜକୋଠି ୨୯୫, ନାରଦିଆ ୧୨୭, ନୂଆଡିହି ୩୪୦, ନୂଆଗଁ। ୧୬୭, ପଦ୍ମପୁର ୨୯୫, ପଏଦା ୨୨୬, ପଲିକଣ୍ଟା ୧୬୨, ପୋଖରିଆପଡା ୧୯୪, ସୋମପୁର ୪୦୨ ଓ ଜିରାଇଲୋର ୧୫୯ ଜଣଙ୍କ ନାମ ପଞ୍ଜୀକରଣ କରାଯାଇଛି।
