ରାୟଗଡ଼ା ଅଫିସ,୧୧।୫-ରାୟଗଡ଼ା ଜିଲା କେରେଡ଼ାରୁ ପ୍ରତିଦିନ ବେଆଇନ ଭାବେ ପଡୋଶୀ ରାଜ୍ୟ ଆନ୍ଧ୍ର ପ୍ରଦେଶକୁ ବାଲି ଚାଲାଣ କରାଯାଉଛି। ଏ ନେଇ ସୋମବାର କେରେଡ଼ା ଗ୍ରାମ ମହିଳା ସଂଘ ପକ୍ଷରୁ ଜିଲାପାଳ ପ୍ରମୋଦ କୁମାର ବେହେରାଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି ା
ଦାବିପତ୍ରରେ ଉଲ୍ଲେଖ ରହିଛି, କେରେଡ଼ା ଗ୍ରାମ ନିକଟରେ ଥିବା ନାଗାବଳୀ ନଦୀରୁ ପ୍ରତିଦିନ ବେଆଇନ ଭାବେ ଜେସିବି ଯୋଗେ ବାଲି ଉଠାଣ କରାଯାଇ ଆନ୍ଧ୍ର ପ୍ରଦେଶର ବିଜୟନଗର, ପାର୍ବତୀପୁର, ବିଶାଖାପାଟଣାକୁ ପଠାଯାଉଛି। ଫଳରେ ନଦୀର ଜଳଧାରା ବନ୍ଧ ହେବା ସହ ପ୍ରଦୂଷଣ ହେଉଥିବା ଦାବିପତ୍ରରେ ଉଲ୍ଲେଖ ରହିଛି। ଏହି ଘଟଣାର ତଦନ୍ତ କରାଯିବ ବୋଲି ଜିଲାପାଳ ପ୍ରମୋଦ ପ୍ରକାଶ କରିଛନ୍ତି।
