ଜମ୍ମୁ,୨୨ ।୯: ପ୍ରାୟ ଏକ ମାସ ହେବ କଂଗ୍ରେସ ଛାଡିଥିବା ବରିଷ୍ଠ ନେତା ଗୁଲାମ ନବି ଆଜାଦ ତାଙ୍କ ନୂଆ ଦଳର ନାମର ଘୋଷଣା ନବରାତୀରେ କରିବେ । ଆସନ୍ତା ସପ୍ତାହରେ ଏହାର ଘୋଷଣା ହୋଇପାରେ । ଏହାପରେ ଦଳ ନିର୍ବାଚନ କମିଶନରଙ୍କ ନିକଟରେ ଏହାର ପଞ୍ଜିକରଣ ପ୍ରକ୍ରିୟା ଆରମ୍ଭ କରିବ । ଏଥିରେ ଦଳର ନିର୍ବାଚନ ଚିହ୍ନ ଓ ପତାକା ସାମିଲ ହେବ ।
ଆଜାଦଙ୍କ ସହ ଜଡିତ ବିଶେଷ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଦଳର ନାଁ ଘୋଷଣା ୨୬ ବା ୨୭ ସେପ୍ଟେମ୍ବରରେ ହୋଇପାରେ । ଦଳର ନାମକୁ ନେଇ ମନ୍ଥନ ହେବା ପରେ ପ୍ରାୟତଃ ଏହାକୁ ଶେଷ ରୂପ ଦିଆଯାଇ ସରିଛି । ଆଉ କେତେଜଣ ଶୁଭଚିନ୍ତକଙ୍କ ସହ ନାମକୁ ନେଇ ଚର୍ଚ୍ଚା ଚାଲିଛି । ଦଳର ନାମ ଓ କାମ ଉଭୟ ଧର୍ମନିରପେକ୍ଷ ଛବିକୁ ପ୍ରଦର୍ଶିତ କରିବ ।
ଦଳର ନିୟମ ଓ ସର୍ତ୍ତ ସ୍ଥିର କରିବାକୁ ୩ ସଦସ୍ୟ ବିଶିଷ୍ଟ ସମିତି ଗଠନ କରାଯାଇଛି ଯେଉଁମାନେ ଦିଲ୍ଲୀରେ ତାଙ୍କ କାମ ଯୁଦ୍ଧ କାଳିନ ଭିତ୍ତିରେ କରୁଛନ୍ତି । ଏଥିରେ ସମସ୍ତ ଆଇନଗତ ପ୍ରକ୍ରିୟାଠାରୁ ଅନ୍ୟ ପ୍ରକ୍ରିୟାର ନିୟମ ଉପରେ ଚର୍ଚ୍ଚା କରାଯାଇ ଏହାକୁ ଅନ୍ତିମ ରୂପ ଦେବାକୁ ପ୍ରସ୍ତୁତି ଚାଲିଛି । ବିଶେଷ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଦିଲ୍ଲୀରେ ଦଳର ନାମ ସହିତ ଦଳ ଜମ୍ମୁ-କଶ୍ମୀରର ପଦାଧିକାରୀଙ୍କ ନାମ ବି ଘୋଷଣା ହୋଇପାରେ । ଏହାପରେ ଜିଲା ଓ ବ୍ଲକସ୍ତରୀୟ କମିଟି ଗଠନ କରାଯିବ । ନୂଆ ଦଳ ଗଠନ ପରେ ଆଜାଦ ଜମ୍ମୁ ଓ କଶ୍ମୀର ଯାତ୍ରା କରିବାର ଯୋଜନା ରହିଛି । ଯାହାଦ୍ୱାରା ସେ ସ୍ଥାନୀୟ ସ୍ତରରେ ଦଳର ନାମ ଘୋଷଣା କରିପାରିବେ । ଏହାସହ ଭୋଟରଙ୍କୁ ଏହା ବି ଭରା ଦିଆଯିବ କି ଦଳ ହେଉଛି ସେମାନଙ୍କର ଅସଲ ସାଥି । ଆଜାଦଙ୍କ ବିଶ୍ୱାସ ପାତ୍ର ତଥା ପୂର୍ବତନ ମନ୍ତ୍ରୀ ଜିଏମ ସରୁରୀ କହିଛନ୍ତି ଦଳର ନାମ ଓ ଜମ୍ମୁ-କଶ୍ମୀର ଅଧ୍ୟକ୍ଷର ଘୋଷଣା ଖୁବଶୀଘ୍ର କରାଯିବ ।
