ସଜନାଗଡ଼, ୧୫।୯(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ବ୍ଲକ ଅଧୀନ ଆରବନ୍ଧ ପଡ଼ିଆରେ ନବନିର୍ମାଣ କୃଷକ ସଙ୍ଗଠନ ପକ୍ଷରୁ ଶୁକ୍ରବାର ସନ୍ଧ୍ୟାରେ ଦୁଇ ଶହ ଚାଷୀଙ୍କୁ ନେଇ ଏକ ମେଳି ଅନୁଷ୍ଠିତ ହୋଇଥିଲା। ଏହି ଅବସରରେ ଆରବନ୍ଧ ପଞ୍ଚାୟତରେ ଚାଷୀ କମିଟି ଗଠିତ ହୋଇଥିଲା।
ମେଳିରେ ଶ୍ରୀଧର ନାୟକ ସଭାପତିତ୍ୱ କରିଥିଲେ। ସଙ୍ଗଠନର ଉପଦେଷ୍ଟା ଭୋଳାନାଥ ବେହେରା ଯୋଗଦେଇ ଏବେ ବି ଆରବନ୍ଧ ପଞ୍ଚାୟତର ଅନେକ ବୃଦ୍ଧାବୃଦ୍ଧ ବାର୍ଦ୍ଧକ୍ୟ ଭତ୍ତାରୁ ବଞ୍ଚତ୍ତ ହେଉଛନ୍ତି। ଧାନମଣ୍ଡିରେ ଦଲାଲମାନଙ୍କ ଯୋଗୁ ଚାଷୀ ହଇରାଣ ହରକତ ହେଉଛନ୍ତି ବୋଲି ସେ କହିଥିଲେ। ନୀଳଗିରି କାର୍ଯ୍ୟକାରୀ ବ୍ଲକ ସଂଯୋଜକ ଜଳେନ୍ଦ୍ର ବିଶ୍ୱାଳ ଯୋଗଦେଇ ଚାଷୀ ଉପରେ ହେଉଥିବା ଅତ୍ୟାଚାରକୁ ସହ୍ୟ କରାଯିବ ନାହଁି ବୋଲି କହିଥିଲେ। ବୈଠକରେ ଜିଲା ସଂଯୋଜକ ଚନ୍ଦନ କୁମାର ଓ ପୁରୁଷୋତ୍ତମ ସାହୁ ଯୋଗଦେଇ ଆଗାମୀ ଦିନରେ ଚାଷୀଙ୍କ ଦାବି ନେଇ ଆନ୍ଦୋଳନ ଜୋରଦାର ହେବ ବୋଲି ଚେତାବନୀ ଦେଇଥିଲେ। ବୈଠକରେ କୈଳାସ ପୃଷ୍ଟି, ଛଚିନ୍ଦ୍ର ପୃଷ୍ଟି, ବାବୁଲି ନାୟକ, ବାଞ୍ଛାନିଧି ନାୟକ, ସର୍ବେଶ୍ୱର ଦାସ, ଯୋଗେନ୍ଦ୍ର ବେହେରା, ଭାସ୍କର ରାଉତ, ପାହାଡ଼ ସିଂ, ହରି ନାୟକ ପ୍ରମୁଖ ଉପସ୍ଥିତ ଥିଲେ। ଶେଷରେ ରବୀନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ।
